Рәсмий жуўап: Қарақалпақстан көшесиндегы турақ жайдың арқа тәрепинде балалар майданшасы жақын күнлерде қурылады

Нөкис қаласы Қарақалпақстан көшесинде қурып питкерилип пайдаланыўға тапсырылған №51 көп қабатлы турақ жайдың  арқа тәрепинде балалар майданшасы жоқ екенлигинен наразы болып @KRuz_uz_bot социаллық тармағының ботына келип түскен мүрәжаты бойынша Қарақалпақстан Республикасы Қурылыс министрлигиниң мәлимлеме хызмети төмендегилерди мәлим етеди.

Бул мәселе бойынша 2019-жылы ноябрь айында сол аймақта жасаўшы пухаралардың жоллаған мүрәжатын Қарақалпақстан Республикасы Қурылыс тараўында қадағалаў инспекциясы, жойбарлаўшы кәрхана «Горселпроект» ЖШЖ, Нөкис қаласы қурылыс бөлими қәнигелери, буйыртпашы-қурылысшы кәрханасы «Туран ойпат қурылыс» ЖШЖ ҳәм «Гөне қала» МПЖ баслықлары тәрепинен  орнында үйренип шыкты. Жол қойылған қәте-кемшиликлер бойынша буйыртпашы-қурылысшы кәрханасы «Туран ойпат қурылыс» ЖШЖ тәрепинен ислеп шығылған график тийкарында сапластырылыў тапсырмасы берилди. 

Буйыртпашы-қурылысшы «Туран ойпат қурылыс» ЖШЖ кәрханасы тәрепинен балалар майданшасы ушын үскенелер алып келинип таяр екенлигин ҳәм жақын күнлерде қурып питкерилетуғынлығын мәлим етемиз.

Бөлимлер