«Жайхун» студентлер театр-студиясы тамашагөйлерди толқынландырмақта

Хабарыңыз бар, 12-17-декабрь сәнелери аралығында Ташкент қаласында «Ертеңги күн бизики, шеклер бизики!» ураны тийкарында жаслар ҳәптелиги өткерилмекте. Оған республикамыздың еки жоқары оқыў орнынан, яғный Бердақ атындағы Қарақалпақ мәмлекетлик университетиниң «Жайхун» студентлер театр-студиясы ҳәм Ташкент информациялық технологиялар университети Нөкис филилалының театр-студиясы қатнасыў ушын жөнеп кеткен еди.

Фестивал шеңберинде «Жайхун» студентлер театр-студиясы режиссёр Әжинияз Исмаилов пенен бирге «Бир қәдем…» атамасындағы спектакльди тамашагөйлердиң нәзерине усынды. Спектакльдеги көтерилген бүгинги заманагөй турмысымыздағы ашшы ҳақыйқатқа толы турмыслық ўақыялар жыйналғанлардың кеўил сарайынан мүнәсип орын ийелегенлигин айырықша атап өтиў керек.

Еслетип өтемиз, Бердақ атындағы Қарақалпақ мәмлекетлик университетиниң «Жайхун» студентлер театр-студиясы өткен жылы өткерилген фестивалда жеңимпазлықты қолға киргизген еди.

 

Ислам МАТЕКОВ таярлады.

Бөлимлер