Мәмлекетлик хызметлер орайы хызметкерлери халық арасында      

Бугинги кунде мәмлекетимизде алып барылып атырган сиясат, әмелге асырылып атырған реформалардың барлығы халқымыз жақсы жасаўы ушын әмелге асырылмақта. Ҳәзирги кунде 130 дан аслам мәмлекетлик хызметлер көрсетилип атырған Мәмлекетлик хызметлер орайларының тийкарғы мақсети халықтың аўырын жеңил қылыў, оларды көрсетилип атырған хызметлердиң сапасынан разы қылыў есапланады.

Өзбекстан Республикасы Президентиниӊ 2019-жыл 15-февраль күнги ПҚ-4193 санлы қарарыныӊ 11-бәнтиниӊ орынланыўын тәмийнлеў мақсетинде Нөкис қаласы №23-санлы улыўма орта билим мектебиниӊ 10-11-класс оқыўшылары ушын «Информатика ҳәм мәлимлеме технологиялары» пәни оқыў дәстүрине «Электрон ҳүкимет» мәмлекетлик хызметлерден пайдаланыў, талап еӊ жоқары болған мәмлекетлик хызметлерден заманагөй мәлимлеме-коммуникация технологияларынан, соныӊ ишинде бирден-бир интерактив мәмлекетлик хызметлер порталынан пайдалана алыў көнликпелерин асырыў бойынша оқыў семинары шөлкемлестирилди. Семинарда оқыўшы жаслар өзлерин қызыктырған сораўларына жуўаплар алды. Соныӊ менен бирге көшпели тәртипте 40 тан аслам мәмлекетлик хызметлер көрсетилди.

Қала орайынан узақ аймақларда жайласқан мәқан пуқаралар жыйынлары турғынлары ушын көшпели тәртипте мәмлекетлик хызметлер көрсетиў Мәмлекетлик хызметлер орайларыныӊ еӊ әҳмийетли ўазыйпаларынан бири болып есапланады. Усы аҳмийетли ўазыйпаныӊ орынланыўын тәмийнлеў мақсетинде орай қәнийгелери тәрепинен көшпели тәртипте мәмлекетлик хызметлер көрсетилип келинбекте. Жақында ғана Нөкис қаласында жайласқан “Жайхун” ҳәмде “Алланияз Қаҳарман” мәкан пуқаралар жыйынларында да көшпели тәртипте мәмлекетлик хызметлер көрсетилди. Халыққа мәмлекетлик хызметлерден  пайдаланыў мәдениятын асырыў  бойынша түсиндириў жумыслары алып барылды. Өзбекстан Республикасы Президентиниң 2019-жыл 9-декабрдеги ПҚ-4546-санлы қарарының 2-қосымшасына муўапық мәмлекетлик органлар тәрепинен, пуқаралардан талап етилмейтуғын 28 түрдеги мағлыўматнамалар бойынша үгит-нәсият жумыслары алып барылды. Соныӊ менен бирге  аймақ турғынларыныӊ пикир ҳәм усыныслары тыӊланып, оларға көшпели тәртипте 150 ден аслам мәмлекетлик хызметлер көрсетилди ҳәм 200 ден аслам тарқатпа материаллар тарқатылды.

Президентимиз «Адамлар ертең емес, алыс келешекте емес, ал бүгин жақсы жасаўы керек», - дегениндей, бүгин қайсы бир иске қол урылмасын, қайсы тараўда жаӊа қарар ҳәм пәрманлар қабыл қылынбасын, буныӊ ҳәммеси халықтыӊ мәмлекетлик органлардан миннетдар болып жасаўы ушын әмелге асырылмақта!


Нөкис қаласи Мәмлекетлик хызметлер орайы  

Бөлимлер