2020 – жыл 13 – март күни Қарақалпақстан Республикасы Монополияға қарсы гүресиў комитетинде Ашық есиклер күни болып өтеди

15 – март Халық аралық тутыныўшылар ҳуқықын қорғаў күнине бағышланған «Ашық есиклер күни» болып өтеди. Кешеге Ғалаба хабар қураллары ўәкиллерин мирәт етемиз. Сизлерге Қарақалпақстан Республикасы Монополияға қарсы гүресиў комитети тутыныўшылардыӊ ҳуқуқларын қорғаў бойынша әмелге асырылған ислер ҳаққында қәнийгелер тәрепинен түсиник бериледи.

Өзбекстан Республикасы Президентиниң 2019-жыл 11-сентябрьдеги «Тутыныўшылардың ҳуқықларын қорғаўдың ҳуқықый ҳәм институционаллық системасын түп-тийкарынан жетилистириў илажлары ҳаққында»ғы 

ПП-5817-санлы Пәрманы тийкарында Тутыныўшылардың ҳуқықларын қорғаў тараўында бирден-бир мәмлекетлик сиясатты әмелге асырыў мақсетинде Өзбекстан Республикасы Монополияға қарсы гүресиў комитети жанындағы Тутыныўшылардың ҳуқықларын қорғаў агентлиги шөлкемлестирилди.

Белгиленген ўазыйпаларды орынлаў, исбилерменлик ҳәм тутыныўшылық мәдениятын жетилистириў, халықтың тутыныўшылық билим ҳәм саўатханлығын асырыўға қаратылған жумыслар нәтийжелигин асырыў, “Тутыныўшылардыӊ ҳуқықларын қорғаў ҳаққындағы” Нызам бойынша түсиндириў ислерин әмелге асырыў мақсетинде коммунал, саўда, медицина тараўларында тутыныўшыларға жаратылған қолайлықлар, тараўда жол қойылған кемшиликлерди сапластырыў ҳәм әмелге асырылған профилактика

ис-илажларды кеӊ жарытыў ҳәм бул ҳаққында түсиндириў жумысларын алып барады. 

Ҳүрметли тутыныўшылар Егерде, коммунал хызмет көрсетиў кәрханалары, саўда, транспорт, қурылыс, аўқатланыў, байланыс хызметин көрсетиўши кәрханалары тәрепинен ҳуқықларыңыз бузылған жағдайда Қарақалпақстан Республикасы Монополияға қарсы гүресиў комитетине мүрәжат етсеӊиз болады.

Сизлерди, 2020 – жыл 13 – март күни Қарақалпақстан Республикасы Монополияға қарсы гүресиў комитетинде саат 10:00 ден 12:00 ге шекем болып өтетуғын “Ашық есиклер күни”не мирәт етемиз. 

 

Мәнзил: Нөкис қаласы Амир Темур көшеси 112-а имәраттыӊ (Бизнес орайы) 4-этажы.

Исеним телефоны: 222-30-11

Бөлимлер