Бүгинниң темасы: Интернет мәдениятын қәлиплестириў

«Глобалласыў процесинде жасларда интернет мәдениятын қәлиплестириўдиң актуал мәселелери» - Бердақ атындағы Қарақалпақ Мәмлекетлик университетиниң журналистика бағдары студентлери арасында өткерилген семинар-тренинг усылай аталды. Илажды Өзбекистан Республикасы Миллий тикланиш демократиялық партиясының Нөкис қалалық кеңеси, Пуқаралық жәмийети қәлиплесиўин мониторинг етиўши бийғәрез институты Қарақалпақстан Республикасы аймақлық бөлими ҳәм Бердақ атындағы Қарақалпақ Мәмлекетлик университети журналистика кафедрасы биргеликте шөлкемлестирди. Семинар-тренинг еки бөлимнен ибарат болып, дәслепки бөлимде тийисли тараў қәнигелери тәрепинен интернеттен пайдаланыў мәденияты, жат иллетлер, идеологиялар тәсиринен қорғаныў, аўлақ болыў ҳәм усы тематикада таярланатуғын журналистлик материалларға қойылатуғын баслы талаплар ҳаққында таярланған докладлар тыңланды. Илаждың екинши бөлиминде қатнасыўшылар топарларға бөлинип, әмелий шынығыўларды орынлады. Семинар-тренинг қызықлы сораў-жуўаплар ҳәм пикир-таласлар менен даўам етти.

 

Ислам МАТЕКОВ

Бөлимлер