Нөкистеги карантин зонасынан қашқан қарақалпақстанлы пуқара Бухарада усланды

2020-жыл 18-март күни Россия Федерациясынан Қарақалпақстан Республикасына келген пуқара 1990-жылы туўылған Ш. Р. коронавирус (Covid-19) кеселлиги менен наўқасланғанлықта гуманланып, Нөкис қаласындағы Республика балалар санаториясына карантинге жайластырылған.

Бирақ, пуқара Ш.Р. эпидемияға қарсы гүресиў қағыйдаларын бузып, өзбашымшалық пенен карантин зонасынан қашып кеткен.

Өзбекстан Республикасы Бас прокуратурасының мәлим етиўинше, алып барылған оператив излеў илажлары нәтийжесинде пуқара Ш.Р. Бухара ўәлаты, Шофиркон районында усланған.

Бул жағдай бойынша 21-март күни Өзбекстан Республикаси Жынаят Кодексиниң 25, 257-1-статьясы менен жынаят иси ашылып, ҳәзрде тергеў ҳәрекетлери алып барылмақта, делинеди хабарда.

Дерек: "Zaman.uz"

Бөлимлер