Қарақалпақстанға, оның барлық қала ҳәм районларына басқа аймақлардан кириў ҳәм шығыў тоқтатылды

2020-жыл 27-март күнинен баслап Қарақалпақстан Республикасына, сондай-ақ, оның барлық қала ҳәм районларына басқа аймақлардан ҳәр қандай транспорт қуралларында (автобус, микроавтобус ҳәм жеңил автотранспорт) кириў ҳәм шығыў тоқтатылды.

Ҳәзир Қарақалпақстан Республикасында коронавирус инфекциясына шалынғанлар анықланбады. Бирақ, басқа мәмлекетлерден елимизге кирип келген 550ден артық пуқара карантинде сақланбақта. Қарақалпақстан Республикасы Жоқарғы Кеңеси тәрепинен жергиликли халықтың санитария-эпидемиологиялық тынышлығы ҳәм қәўипсизлигин тәмийинлеў, пуқаралардың өмири менен саламатлығын қорғаў, коронавирус инфекциясы тарқалыўының алдын алыў мақсетинде аймаққа ҳәр қандай транспорт қуралларында кириў ҳәм шығыў тоқтатылмақта.

Бул аймақларға кириў ҳәм шығыўдағы шеклеўлер жүк тасыў менен байланыслы ҳалларға, сондай-ақ, қала ҳәм районларда турақлы жасаўшы шахсларға, Қарақалпақстан Республикасы Жоқарғы Кеңеси ҳәм Министрлер Кеңеси тапсырмасына тийкарланып қала менен районларға бириктирилген жергиликли мәмлекетлик ҳәкимият органлары, ҳуқық-қорғаў мәкемелери, басқарма, шөлкемлерде (мәмлекетлик емес шөлкемлерде) мийнет етип атырған басшы ҳәм хызметшилер, шыпакер, мийирбийкелер, мәмлекетлик санитария-эпидемиологилық тынышлық орайы хызметшилери менен жуўаплы хызметшилерге әмел етпейди.

Аўдарма: makan.uz

Бөлимлер