Тақыятас ЖЭС Қубла Корея концорциумы тәрепинен модернизацияланады

Тақыятас ЖЭСти модернизациялаў бойынша тендер өткен жылы декабрь айында жәрияланған еди. Тендерде Қытай, Қубла Корея ҳәм Туркиядан 10 талапкер корпорация қатнасты. Тендер жуўмақларына муўапық, Қубла Кореяның Hyundai Engineering ҳәм Hyundai Engineering & Construction компанияларының концорциумы «Тақыятас ЖЭСте қуўатлылығы 230-280 МВт болған еки пуў-газ үскенеси қурылысы» жойбары бойынша 457 миллион АҚШ долларлық усыныс пенен жеңип шықты. Модернизациялаў мүддети шәртнама дүзилген күннен кейин 914 күнди қурайды. Шәртнама декабрь айының ақырында тастыйықланыўы режелестирилген.

Улыўмалық қунлылығы 678,2 миллион АҚШ доллары болған жойбар Азия раўажланыў банкиниң 300 миллион долларлық кредити, Өзбекистан Тиклениў ҳәм раўажланыў қорының 230,7 миллион долларлық қаржысы ҳәм «Өзбекэнерго» АЖның жеке қаржылары есабынан әмелге асырылады.

Дәрек: uzbekenergo.uz

Бөлимлер