Хирургия корпусының жаңа имарати пайдаланыўға тапсырылды

19-декабрь күни пайтахтымыздағы О.Халмуратов атындағы республикалық көп тармақлы медицина орайының жаңадан қурылған Хирургия корпусы имаратын пайдаланыўға тапсырыў мәресими болып өтти. 

Инвестициялық бағдарлама тийкарында усы жылдың февраль айында басланған Хирургия корпусының имараты «Шорахан қурылыс монтаж» жуўапкершилиги шекленген жәмийетиниң қурылысшылары тәрепинен қысқа ўақытта сапалы етип қурып питкерилип, 

Президентимиз тәрепинен белгиленген Халық пенен пикирлесиў ҳәм инсан мәплери жылы қарсаңында пайдаланыўға тапсырылды. Бул жерде 8 миллиард 991,5 миллион сумлық қурылыс-монтажлаў жумыслары орынланды. Жаңа имаратта нейрохирургия, травматология, анестезиология, реанимация-операция блогы, урология, қарын бослығы хирургиясы, көкирек қәпеси ҳәм қан тамырлар хирургиясы, отоларинголия ҳәм бет-жақ хирургиясы, көкирек қәпеси ҳәм қан тамырлар хирургиясы бөлимлери жайласқан болып, олар улыўма баҳасы 889 миллион 800 мың сумлық қатты, жумсақ ҳәм басқа да зәрүр медициналық инвентарьлар менен тәмийинленди.

Усы күни Әмиўдәрья, Төрткүл, Қоңырат, Қанлыкөл, Шымбай ҳәм Тахтакөпир районлық медицина бирлеспелерине Өзбекистан Республикасы Денсаўлықты сақлаў министрлиги тәрепинен «Саламатлық-3» жойбары тийкарында алып келинген алты дана «N8!!an» тез жәрдем машинасы салтанатлы жағдайда тапсырылды.
Илаж қатнасыўшылары Хирургия корпусының бөлимлеринде наўқаслар ушын жаратылған шараятлар менен жақыннан танысты. 

Бөлимлер