НМПИде жыл жуўмақларына бағышланған салтанатлы илаж өткерилди

Жуўмағына жетип баратырған 2016-жыл институт жәмәәти ушын табысларға толы жыл болды. Әжинияз атындағы Нөкис мәмлекетлик педагогикалық институтының мәжилислер залында жаңа жылдың жуўмақлары бойынша сыйлықлаў болып өтти. Кешени институттың руўхыйлық ислери бойынша проректоры Қ.Қодиров ашты ҳәм басқарды. Жыл даўамында оқыў ҳәм жәмийетлик жумысларға белсене қатнасқаны ушын студент жаслар хошаметленди.

2016-жыл 3-июн сәнесинде Ташкент қаласында Жоқары оқыў орынлары арасында болып өткен «Салық билимданлары» таңлаўының 2-орын жеңимпазлары «Қол қанат» командасының ағзалары А.Абдуллаева, Ж.Жолдасбаев, М.Нуратдинова, Т.Отаровалар, усы жылы 20-май сәнесинде «Тафаккур синовлари» таңлаўында 2-орынды алған «Ғәрезсизлик жаслары» командасы ағзалары А.Утебаева, Б.Мырзабева, Д.Фарманов, Б.Сметуллаевлар институт жәмәәти тәрепинен таярланған ҳүрмет жарлығы ҳам баҳалы саўғалар менен сыйлықланды. «Ең билимли студент» номинациясы ийеси Д.Фарманов Өзбекстан Республикасы көлеминде өткерилген пән олимпиадасында 2-орынды, «Жоқары мәнәўиятлы әўлад» жарысының, «Салық билимданлары» ҳәм «Қол қанат» жарысларында команданың сәрдары болғаны айрықша тилге алынды. «Билимге ең қуштар студент» номинациясы бойынша А.Алтынбаева, «Ең хош ҳаўаз қосықшы» номинациясы бойынша Ғ.Бектурғанова, «Ең белсенди қоысқшы» номинациясы бойынша Т.Тилеўмуратов, «Ең жақсы спортшы студент» номинациясы бойынша Г.Жумабаева, «Ең ағла дөретиўши студент» номинациясы бойынша Ш.Даўылбаев, «Ең үлгили Камолот жетекшиси» номинациясы бойынша Н.Авезмуратов, «ең үлгили хаял-қызлар жетекшиси» номинациясы бойынша З.Байниязова, «Ең жақсы аяқ ойыншы» номинациясы бойынша А.Бекмуратова, «Ең қуўнақ студент» номинациясы бойынша М.Базарбаев, «Ең талантлы ҳәўескер актёр» номинациясы бойынша С.Бисенов, «Ең ағла интеллектуал ойын қатнасыўшысы» номинациясы бойынша Д.Жанпулатова, «Ең белсенди үгит-нәсиятлаўшы» номинациясы бойынша Ш.Ибадуллаев, «Ең зийрек студент» номинациясы бойынша Н.Ешимбетовалар диплом ҳәм қымбат баҳалы саўғаларын алды. Ал, «Ҳүрмет жарлығы» бир қатар таңлаўларда жеңимпаз болған студент Т.Сейтниязовқа тапсырылды. Кешени «Тумарис» халық ансамблиниң концерт бағдарламасы даўам еттирди.

 

Дәрек: ndpi.uz

Бөлимлер