2017-жылдан баслап жоқары оқыў орынларына ҳүжжетлер 15-июньнан 15-июльға шекем қабыл етиледи

Бул ҳаққында Бердақ атындағы Қарақалпақ мәмлекетлик университетиниң рәсмий веб-сайты Өзбекистан Миллий мәлимлеме агентлиги хабары тийкарында мәлим етти. Хабарда жазылыўына қарағанда, Ташкент қаласындағы Миллий баспасөз орайында Мәмлекетлик тест орайының баспасөз конференциясы болып өткен ҳәм онда 2017-2018-оқыў жылынан баслап жоқары оқыў орынларына ҳүжжетлерди қабыллаў мүддети 15-июньнан 15-июльға шекем болып, жоқары әскерий оқыў орынларындағы тест сынақлары болса 5-июль күни өткериледи.

Бундай өзгеристиң тийкарғы себеби етип, абитуриентлерге және де көбирек қолайлық жаратыў, оқыў орынларын тест процесине таярлаў, белгиленген имаратлар менен аудиторияларды керекли предметлер, оқыўлық қураллар менен тәмийнлеп, ўақтынан бурын таярлап қойыў мүмкиншилигин беретуғынлығы да атап өтилген.

Ислам МАТЕКОВ таярлады.

Бөлимлер