ҚМУда байрамға бағышлап «Кросс» жарысы өткерилди

 «Ўатан қорғаўшылары күни» ҳәм Өзбекистан Республикасы Қураллы Күшлери шөлкемлестирилгенлигиниң 25 жыллығы байрамына арналып, 13-январь күни Бердақ атындағы Қарақалпақ мәмлекетлик университетинде билим алып атырған студентлер ҳәм университет әтирапында жайласқан мәкан пуқаралар жыйынларының белсенди жаслары арасында «Кросс» аралығына жуўырыў жарыслары өткерилди.

Жуўырыў жарыслары Нөкис қаласы Қурбанов ҳәм Ч.Абдиров көшелеринде, 800 метр аралықта өткерилди ҳәм университеттиң дене мәденияты факультетиниң тәжирийбели тренерлери тәрепинен баҳаланып, жеңимпазлар анықланды.

Беллесиў жеңимпазлары университет ректораты, «Камолот» ЖЖҲ басланғыш шөлкеми ҳәм университеттиң кәсиплик аўқамы тәрепинен таярланған дәрежели дипломлар ҳәм баҳалы саўғалар менен сыйлықланды.

Ислам МАТЕКОВ,

«Камолот» ЖЖҲ басланғыш  шөлкеми жетекши қәнигеси.

Бөлимлер