Пайтахтымызда Жаслар орайының жаңа имараты пайдаланыўға тапсырылды

Бул ҳаққында Өзбекистан Миллий мәлимлеме агентлиги (ӨзА) хабарлады.

Агентликтиң мағлыўматына қарағанда, орайдың материаллық-техникалық базасын беккемлеў ушын 154 миллион сўм, заманагөй мебельлер ушын 192 миллион сўм, зәрүрли әдебият ҳәм электрон китаплар ушын 400 миллион сўм – жәми 4 миллиард 400 миллион сўмнан зыят қаржы ажыратылған. Илаж елимиз Ғәрезсизлигиниң 25 жыллығына арналып «Биз – уллы журт перзентлеримиз!» ураны астында өткерилген жаслар фестивалы шеңберинде болып өтти. Жаслар орайында жаслардың бос ўақтын мазмунлы етип өткериў ушын барлық шараятлар жаратылған. Шет тиллери, информатика, шахмат-шашка, сүўретлеў өнери, аяқ ойын дөгереклери иске түсирилген болып, информациялық-ресурс ҳәм жас исбилерменлер ушын мәсләҳәт орайлары, руўхый-ағартыўшылық илажларын өткериў ушын арналған салтанатлы зал заманагөй мебельлер менен тәмийинленген.

Бөлимлер