Қарақалпақстанда халықтың реал дәраматлары 11 процентке артқан



Өзбекистан Республикасының Ҳүкимет басшылары, министрликлер менен басқарма басшыларының басшылығында дүзилген делегация ағзалары республикамызға келип, орынларда халық пенен ушырасыўлар өткермекте.

Сондай ушырасыўлардың бири пайтахтымыздағы Жаслар орайында болып өтти.

Ушырасыўда Өзбекистан «Мәҳәлле» қа­йырқомлық жәмийетлик қорының баслығы Ш.Жавлонов, Өзбекистан ветеранларының жәмийетлик жумысын қоллап-қуўатлаў «Нураный» қоры орайлық Кеңеси баслығының биринши орынбасары Ш.Усманов, усы қордың Қарақалпақстан Республикалық бөлиминиң баслығы Ш.Уснатдинов ҳәм бас­қалар шығып сөйлеп, елимизде ерисилген барлық жетискенликлер ғәрезсизликтиң жемиси, жаслардың ең тийкарғы ўазыйпасы — жаратылған барлық шараятлардан утымлы пайдаланып, Ўатанымыздың мүнәсип перзентлери болып жетилисиўи керек екенлигин айрықша атап өтти.

Атап өтилгениндей, өткен жылы елимизде унамлы структуралық өзгерислер ҳәм экономиканың жоқары өсим пәтлери нәтийжесинде халықтың реал дәраматлары 11 процентке артқан. Бюджет шөлкемлери хызметкерлериниң мийнет ҳақысы 15 процент­ке, пенсия ҳәм социаллық напақалар 12,1 процентке, халықтың жан басына реал дәраматлары 11 процентке өскен, 726 мыңға шамалас халықтың, соның ишинде, 438,5 мың колледж питкериўшисиниң бәнтлиги тәмийинленген.

Бөлимлер