Қараөзектеги бир мектеп ҳәм бир бақша Япония қаржысы есабынан мебеллер менен тәмийинленеди

Япония Өзбекистанға сегиз социаллық жойбарды әмелге асырыў ушын 551,1 мың АҚШ доллары муғдарында грант қаржысын ажыратты. 7-март күни Ташкентте болып өткен грант-шәртнамалар тастыйықлаўға арналған мәресимде ден саўлықты сақлаў министри орынбасары Эльмира Боситхонова, халық билимлендириў министриниң биринши орынбасары Бахтияр Дониёров ҳәм Японияның Өзбекистандағы елшиси Набуаки Ито қатнасты.

Япония елшиханасының баспасөз хызметиниң берген мағлыўматына қарағанда, Ташкент ўәлаяты онкологиялық диспансери, Ташкенттеги 3-санлы балалар клиникалық емлеўханасы ҳәм Наманган ўәлаят онкологиялық орайы киши масштаблы социаллық жойбарларға бийғәрез жәрдем жойбары бойынша грант алады. Усы мекемелер медициналық үскенелер менен тәмийинленеди.

Самарқанд ўәлаятының Ақдәрья районындағы 40-санлы ҳәм Қарақалпақстанның Қараөзек районындағы 8-санлы мектеплер, Қараөзек районындағы 2-мектепке шекемги билимлендириў мекемеси, Жиззах ҳәм Сурҳандәрья ўәлаяты Шоршы районларындағы көзи әззи балалар ушын қәнийгелестирилген мектеп-интернатлар оқыў мебеллери менен тәмийинленеди, деп хабар бермекте gazeta.uz.

Дерек: makan.uz

Бөлимлер