Муса Ерниязов Шымбай ра­йонындағы Халық қабыллаўханасында болди

Усы жылы 1-апрель күни Қарақалпақстан Республикасы Жоқарғы Кеңесиниң Баслығы М.Ерниязов Шымбай ра­йонындағы Халық қабыллаўханасында болып, тийисли басшылар ҳәм жуўапкер қәнигелердиң қатнасында пуқараларды қабыл етти ҳәм олардың турмыста ушырасып атырған машқала ҳәм мәселелерин шешиў илажларын белгилеў бо­йынша усынысларын билдирди.

— Кәрханамызда дәслепки ўақытлары тек ғана кир жуўыў порошогын ислеп шығарып атыр­ған болсақ, енди оны кеңейтип ҳәм ислеп шығарып атыр­ған өнимлер түрин көбейтиў нийетиндемиз,-дейди «Қолдас­баева Мырзахан» жуўапкершилиги шекленген жәмийети баслығы, Шымбай районы «Бердақ» мәкан-пуқаралар жыйыны тур­ғыны Дәрьябай Нурымбетов. — Лекин, «Агробанк»тиң Шымбай районы филиалынан 148 мил­лион сум кредит  пулларын алыўда азы-кем иркинишлер болған еди. Бүгин тийисли басшылар қатнасында бул мәселе усы күнниң өзинде унамлы шешилди. Бундай имканиятларды жаратып берген ҳүрметли Президентимиз Шавкат Мирзиёеқа шексиз миннетдармыз...

Ҳақыйқатында да, бүгинги күни Халық қабыллаўханалары шын мәнисинде пуқаралардың машқала ҳәм мәселелерин шешиўде хызмет ететуғын орайға айланды. Себеби, халықтың маш­қалаларын сол күнниң өзинде орынларда шешиў — дәўир талабы болмақта.

Қ.МӘМБЕТНИЯЗОВ.

Фото: uzneftegaz.uz

Kruz.uz сайтини Telegram'даги каналимиз орқали кузатиб боринг

Бөлимлер