Шоманайда «Китаплар акция»сы өткерилди

Ж.Базаров атындағы 13-санлы Балалар музыка ҳәм көркем өнер мектебинде өткерилген «Китаплар акция» сы өткерилди.

Акцияны өткериўден мақсет жаслар арасында китап оқыўды үгит нәсиятлаў, китапханлық мәдениятын асырыў болып табылады. Акцияны район ҳәкиминиң орынбасары, ҳаял-қызлар комитети баслығы Т.Каллықылычова ашып берди.

Өткерилген кешеде район аймағын мекемелер халық билимлендириў бөлими, Почта, Финанс, салық бөлимлери, пукаралар жыйынлары басшылары, барлық мектеплер, кәсип өнер колледжлеринин директорлары, «Махалле» фонды, «Камолот» ЖЖҲ, «Нураный» жамғармасы, медицина бирлеспесинен ҳәм сондай-ақ жеке исбилермен Сейдабулла Медетовтан 70 китап жәми 140 китап акцияға келип түсти. Келип түскен китаплардан үй шараятында оқып атырған 10 оқыўшы балаларға саўға етилди.

Акция даўамында барлық улыў билим бериў мектебинде ҳәм кчип өнер колледжлеринде оқып атырған ең китапхан оқыўшыларға келип түскен китаплар саўға етилди.

Соң «Ең китапқумар ҳаял-қыз» номинациясы бойынша «Мәденият» мәкан пуқаралар жыйыны турғыны, Өзбекистан телеканалы арқалы эфирге узатылып киятырған «Заковат» телеойынының турақлы ықласбенти ҳәм бир неше сораўлары менен қатнасқан Жалменова Светлана, «Ең китапқумар нураный» номинациясы бойынша «Наўрыз» мәкан пуқаралар жыйынынан Базарбай Бердимуратов, «Ең китапқумар мектеп оқыўшысы» номинациясы 16 мектеп оқыўшысы Қайпбергенова Шахноза, «Ең китапқумар колледж оқыўшысы» номинациясы бойынша Даўлетбаева Элиза, «Ең үлгили китапханашы» номинациясы бойынша Аўыл-хожалығы кәсип өнер колледжиниң китапханашысы Зәўре Қайпова, «Ең үлгили газета оқыўшысы» номинациясы бойынша Талшын Сандибаеваға китаплар ҳәм район ҳәкиминиң ҳүрмет жарлығы менен сыйлықланды. Акция жуўмағында перзентлерине китап саўға етиў мақсетинде келген ата-аналарға жеке исбилермен С.Медетов тәрепинен бийпул берилген китаплар саўғаға берилди. Акция жыйналғанларда үлкен тәсир қалдырды.

Ш.Якупов, Шоманай районы ҳаял-қызлар комитети бас қәнийгеси                        

Бөлимлер