Берунийде депутат пара алған пайытында қолға алынды

Беруний районы «Мақтымқулы» аўыл пуқаралар жыйыны аймағында жасаўшы Ибрагимов Каримбай бүгинги күни өз басына қаншама тәшўиш арттырмады дейсиз!

Ол буннан алдын да Жынаят ислери бойынша Беруний районы суды тәрепинен Жынаят Кодексиниң айырым статьялары менен жәрийма жазасы тайынланғанынан тийисли жуўмақ шығармаған көринеди. «Адолат» социал-демократиялық партиясы ағзасы, районлық Кеңестиң депутаты К.Ибрагимов бул сапары Қарақалпақстан Республикасы Архив ислери басқармасы Беруний районы мәмлекетлик архиви директоры лаўазымында ислеп атырып, өткен жыл март айының ақырында райондағы «Кангшартол» аўыл пуқаралар жыйынында жасаўшы пуқара Г.Юсупов өмирлик жолдасы В.Гаисинаның бурынғы «Беруний» совхозы «Наўайы» бөлиминиң екинши бригадасында ислеген дәўириндеги ис ҳақыларын толық жазып бериў есесине алдын-ала пул бериўин талап етип, оны пара бериўге мәжбүр ететуғын дәрежеге алып келип, нызамға қайшы келетуғынлығын биле тура хызмет ханасында Г.Юсуповтан 300 АҚШ долларын пара сыпатында алған пайытында ҳуқық қорғаў уйымы хызметкерлери тәрепинен қолға алынды.

Әне, дәмегөйликке берилген К.Ибрагимовтың бул жынайый ҳәрекети суд уйымы тәрепинен ҳәр тәреплеме нызам шеңберинде көрип шығылып, тийисли жазаға ҳүким етилди.

Дерек: Erkinkarakalpak.uz

Диққат, диққат!  KRuz.uz сайтини Telegram'даги канал, Instagram'даги саҳифа ва  Facebook'даг гуруҳ орқали кузатиб боринг!

Бөлимлер