Шоманайда нураный спортшылар менен ушырасыў өткерилди

9-май — Еслеў ҳәм қәдирлеў күни мүнәсибети менен районымыздағы Балалар ҳәм жас өспиримлер спорт мектеби оқыўшылары нураный спортшылар — гүрес бойынша жәҳән чемпионы Жийенбай Қалжанов, спорт устасы Полат Тәжимуратов ҳәм Бахыт Қутлымуратовлар менен ушырасыў өткерди.

Ушырасыўды спорт мектеби директоры Мәмбет Төремуратов ашып, нураный  спортшылардың басып өткен үлги боларлық турмыс жоллары менен оқыўшыларды таныстырды. Нураный спортшылар өмир жоллары, машақат пенен ерискен табыслары ҳаққында айтып берди.

Мийманлардың шығып сөйлеўинен кейин спорт мектеби тәрбияланыўшыларының көргизбели шынығыўлары көрсетилди.

Ушырасыў соңында нураный спортшыларға спорт мектебиниң саўғалары тапсырылды.

 

Қуўандық ТӨРЕНИЯЗОВ.

Районлық Балалар ҳәм жас өспиримлер спорт мектебиниң бокс бойынша тренери.

Диққат, диққат!  KRuz.uz сайтини Telegram'даги канал, Instagram'даги саҳифа ва  Facebook'даг гуруҳ орқали кузатиб боринг!

Бөлимлер