Шымбергенов Мурат басқарып атырған «Kardar Ishlab chiqarish mahsulotlari» ЖШЖ ҳаққында мағлыўмат

Алдын хабар бергенимиздей, бүгин 22-май күни саат 18:00 де Ташкенттеги «Түркистан» сарайында «Ташаббус-2017» таңлаўының финаллық басқыш жеңимпазларын салтанатлы сыйлықлаў мәресими болып өтти. Онда «Ең жақсы исбилермен» ең тийкарғы бағдары бойынша Қарақалпақстаннан «Kardar Ishlab chiqarish mahsulotlari» ЖШЖ баслығы Шымбергенов Мурат Адилбаевич 2-орын ийеси деп табылды. 

Шымбергенов Мурат басқарып атырған «Kardar Ishlab chiqarish mahsulotlari» ЖШЖ ҳаққында мағлыўмат


Оның баскарып атырған жәмийети 2016-жылы улыўма 8 млрд. 831 млн 274 мың сўм түсим түсирген болып, соннан сап пайда 2 млрд. 973 млн 237 мың сўмды қурайды. Жәмийетте ислеўшилер саны 150 болып, соннан 61 хызметши колледж питкериўшиси есапланады. 

Шымбергенов Мурат басқарып атырған «Kardar Ishlab chiqarish mahsulotlari» ЖШЖ ҳаққында мағлыўмат


«Kardar Ishlab chiqarish mahsulotlari» ЖШЖ тийкарғы жумысы жоқары технологиялар тийкарында заманагөй офис ҳәм үй мебеллери, медицина үскенелери, темир өнимлери, қапы ҳәм дәрўазалар, балалар майданшалары ушын аттракционлар, үнемли ысытыў қазанлары, фонарь, тосық ҳәм басқа өнимлерди ислеп шығарыў ҳәм сатыў болып есапланады.

Жумысын 34 адам менен баслап, бүгинги күни олардың санын 150 ге жеткерген. Банктен кредит алмастан өз қаржысы есабынан жумысты баслап, бүгин 100 ге жақын түрдеги өнимлер ислеп шығармақта.

Кәрхана шөлкемлестириўшилигинде бир неше кәрханалар («Adil Metal Production» ЖШЖ, «Gulnaz Med Diagnostic» ЖШЖ) фермер хожалықлары «Kardar Agro Fruits» ФХ, «Kardar Pro Export» ФХ), Ташкент қаласы «Ўрикзор» саўда комплексинде Kardar фирма дүканы шөлкемлестирилген. Медициналық клиникаға 1 млрд сўмлық заманагөй медициналық үскенелер алып келинген. 2016-2017-жылда бос турған имаратқа 2 млрд. 800 млн сўм инвестиция киритип, мектеплер ушын үнемли ысытыў қазанларын ислеп шығарыўды жолға қойған. Нөкис қаласының орайлық көшелери, «Дослық» каналының еки тәрепине 5 км узынлықтағы тосық ҳәм фонарьларды орнатқан.

Кәрхана басшысы Мурат Шымбергенов 2015-жылы «Шуҳрат» медалы менен сыйлықланған.

Мурат Шымбергеновтың келешектеги режелери 2017-жылы ислеп шығарыў көлемин 15,0 млрд. сўмға, жумысшылар санын 250 ге жеткериў. Жойбар баҳасы 900 мың АҚШ доллары муғдарына тең электрощит, ысытыў қазанлары, суў ысытқыш ҳәм радиаторлар ислеп шығарыўға қәнийгелестирилген завод қурыў. Шет ел өнимлерине бәсекилесе алатуғын жәҳән стандартларына сәйкес келетуғын өнимлерди халыққа жеткерип бериў ҳәм экспорт қылыў. Қытай мәмлекетинен қосымша әсбап-үскенелерди алып келиў.  Д


Дерек: makan.uz

Шымбергенов Мурат басқарып атырған «Kardar Ishlab chiqarish mahsulotlari» ЖШЖ ҳаққында мағлыўмат

Диққатдиққат!  KRuz.uz сайтини Telegram'даги канал, Instagram'даги саҳифа ва  Facebook'даг гуруҳ орқали кузатиб боринг!

Бөлимлер