Нөкис районында 25 жас шаңарақтың неке тойлары болып өтти

Быйылғы “Халық пенен пикирлесиў ҳәм инсан мәплери” жылы мүнәсибети менен социаллық қорғаўға мүтәж, кем тәмийинленген шаңарақ перзентлериниң неке тойларын өткериў ҳәм жас шаңарақларды қоллап-қуўатлаў жойбары тийкарында бүгин районымызда 25 жас шаңарақтың неке тойлары яғный бахыт тойлары болып өтпекте.
ТЫНЫШ ЖУРТҚА ТОЙЛАР ЖАРАСАДЫ
Тыныш елге тойлар жарасады. Ҳақыйқатында да, мине буның айқын дәлилин елимиз бойлап өткерилип атырған неке тойлардан көриўимизге болады. Бул той тынышлық – бахыт – қуўаныш тойлары болып, әйне бәҳәр жаңаланыў, жасарыў дәўиринде болып өтип атырғанлығы ҳәм бул тойымыздың 25 жас шаңарақ болыўлары да мәмлекетимиз ғәрезлигиниң 25 жыллығы менен үнлес ҳәм сабақлас “жигирма бес” болыўы да жақсылық, бахыт нышаны.
[center]ТЫНЫШ ЖУРТҚА ТОЙЛАР ЖАРАСАДЫ
6-май күни район орайында 25 жас жубайлардың салтанатлы неке тойлары жаслар сейили менен басланды. Жаслар сейили алдынан елдиң жасыүлкенлери ақ пәтияларын берип ҳақ жол тиледи. Шағаладай дизилискен ҳәммеси бирдей «Өзбекистанда ислеп шығарылған» 25 ақ машиналарға минген жас жубайлар жаслар сейилин «Ҳәсиретли ана» естелигине гүл қойыў менен баслады. Буннан соң жаслар сейили райондағы дем алыў паркинде даўам етип бул жерде қолларында гүл көтерген камолотшы жигит-қызлар жас жубайларды салтанатлы түрде күтип алды. Бул жерде жас жубайлар бабамыз Едиге батырға, ел сүйген жазыўшы-шайырлардың естелиги алдында ийилип өз ҳүрметлерин көрсетти. Жаслар сейилинен соң район ҳәкимияты имараты алдына жыйналған район халқы, той ийелериниң ата-аналары, туўған-туўысқанлары алдында қарақалпақ халқының миллий дәстүри тийкарында келиншеклердиң беташары болып өтти. 
ТЫНЫШ ЖУРТҚА ТОЙЛАР ЖАРАСАДЫ
Буннан соң той «Элбек Аллаяр ата» тойханасында даўам етип, тойға келген мийманларды тойхана алдында миллий кийимдеги дуўтаршы қызлар саз-сәўбет пенен күтип алды. 
Өзбекистан Кәсиплик аўқамлары федерациясы, Қарақалпақстан Республикасы Жоқарғы Кеңеси, республикалық ҳаял-қызлар комитети, район ҳәкимлиги, сондай-ақ, бир қатар шөлкемлердиң биргеликте өткерген салтанатлы илажына жас шаңарақ ийелериниң ата-аналары, туўған-туўысқанлары, өзин-өзи басқарыў уйымлары белсендилери, кең жәмийетшилик ўәкиллери қатнасты. 
ТЫНЫШ ЖУРТҚА ТОЙЛАР ЖАРАСАДЫ
Бахыт тойларының салтанатын нураный атамыз А.Дәўлетмуратов жақсы тилек ақ пәтиясы менен ашып берди. Буннан соң Қарақалпақстан Республикасы Министрлер Кеңеси баслығының орынбасары М.Жуманов, Өзбекистан Кәсиплик аўқамлары Федерациясы Қарақалпақстан Кәсиплик аўқамлары шөлкемлери бирлеспеси Кеңесиниң баслығы У.Жалменов, Өзбекистан Саўда санаат палатасы Қарақалпақстан Республикасы басқармасы баслығы Қ. Қайыпназаров, район ҳәкими А.Сейтахов ҳәм басқалар шығып сөйлеп, жасларға узақ өмир, бахытлы турмыста жасаўын тилей отырып, той шөлкемлестириўшилери тәрепинен таярланған сертификатлар, қымбат баҳалы саўғаларды тапсырды.
Той салтанатында ПҲАЖ бөлими баслығы Т.Мусаева жас шаңарақларды қутлықлап, оларға неке жүзиклери менен бирге неке гүўалықларын салтанатлы түрде тапсырды. Буннан соң районлық «Имам ийшан» жәмийетлик мешити имам кәтиби А.Салимов қосылып атырған жаслардың шаръий некелерин оқып гүўалықларын тапсырды. 
– Бүгин перзентлеримниң неке тойлары өткерилип атырғанынан жүдә қуўанышлыман. Кем тәмийинленген шаңарақларға көрсетилип атырған итибар ҳәм ғамқорлықтан кеўиллеримиз көкке көтерилди. Шөлкемлестириўшилерге миннетдаршылық билдиремиз, - дейди «Төктаў» МПЖ турғыны Муратбай Жакипов. 
– Бүгин бизлер жүдә бахытлымыз. Себеби, қәўендерлер бизлердей жас шаңарақларды қоллап-қуўатлап, неке тойларымызды берип, мебель ҳәм қымбат баҳалы саўғалар инам етти, - дейди «Ақмаңғыт» ППЖдан келин-күйеўлер Дәўранбек Сапаров ҳәм Насиба Жамаловалар. 
Бул қайырқомлық илажы пуқаралардың кеўиллерин толып-тастырып, оларға үлкен шадлық бағышлады. 

Гита ҚАЛБАЕВА

aqmangittani.uz

Диққатдиққат!  KRuz.uz сайтини Telegram'даги канал, Instagram'даги саҳифа ва  Facebook'даг гуруҳ орқали кузатиб боринг!

Бөлимлер