Шоманайда нызамсыз дәри сатқан пуқара жуўапкершиликке тартылады

2016-жылы 31-октябрьде Президентимиздиң «Халықты дәри затлары ҳәм медицина буйымлары менен тәмийинлеўди жәнеде жақсылаўға байланыслы ис-илажлары ҳаққында» 2647-санлы қарары шығарылып, бул қарар пүткил мәмлекет көлеминде  турмысқа асырылмақта.

Усы қарарды әмелге асырыў бағдарында районымызда бир қатар әмелий илажлар белгиленип, жумыс алып барылмақта. Райондағы ҳәрекет етип турған дәриханалар қарарда көрсетилген бағдарларды әмелге асырыў бойынша түсиник жумыслары алып барылып, бул бағдарда қадағалаў жумыслары жолға қойылған.

Тилекке қарсы айырым жағдайларда пуқаралардың нызам бузыў жағдайлары ушырасып турады.

Мәселен, районымыздың «Дийханабад» аўыл пуқаралар жыйыны аймағында жасайтуғын Г.Бегжанова өз үйинде улыўма баҳасы 3 миллион 887 мың сум муғдарындағы дәрилерди сақлап, ҳеш қандай лицензиясыз, рухсатнамасыз, ҳүжжетсиз сатыўды жолға қойғаны ушын прокуратура, мәмлекетлик салық инспекциясы хызметкерлери тәрепинен иркилди.

Ҳәр қандай жағдайда да нызамсыз сатылып атырған дәри-дәрмақлар адамлардың саламатлығына кери тәсир көрсетиўи мүмкин. Дәрилердиң муўапықлық сертификаты болыўы тийис. Тийисли жарамлылық мүддети ҳәм басқада медициналық стандарт талапларына жуўап бериўи керек.

Нызамға муўапық тийисли талапларға әмел етпей дәри-дәрмақ саўдасын жолға қойғанлар нызам тийкарында жуўапкершиликке тартылады. Инсан денсаўлығы бәрше нәрседен қымбат екенин умытпаң.

Умар УРАЗБАЕВ.

Өзбекистан Республикасы Бас Прокуратурасы жанындағы СВБЖҳЖДЛҚГ Департаменти Шоманай районлық бөлими баслығы

Диққатдиққат!  KRuz.uz сайтини Telegram'даги канал, Instagram'даги саҳифа ва  Facebook'даг гуруҳ орқали кузатиб боринг!

Бөлимлер