Фермерлер ушын алма жетистириў бойынша қолланба ислеп шығылды

Өзбекистан Саўда-санаат палатасы менен БМШ Раўажланыў бағдарламасының биргеликтеги жойбары – «Өзбекистан бизнес форумы (III басқыш)» жергиликли өзгешеликлерди есапқа ала отырып, заманагөй интенсив алма бағларын жаратыў бойынша әмелий қолланба ислеп шықты. Бул ҳаққында Daryo.uz хабарлады.

Қолланба интенсив бағ жаратыўдың нәтийжели технологиялары ҳаққындағы мағлыўматларды өз ишине алған. Фермерлерге жәрдем сыпатында қолланбаға 1 гектар жерде алма бағын жаратыў бойынша бизнес-реже киргизилген. Қосымша түрде алманың тийкарғы сортлары, кеселлик ҳәм зыянкеслер және оларға қарсы гүресиў жоллары ҳаққында карточкалар да ислеп шығылды. Иллюстративлик карточкаларды ҳәрдайым қасыңызда алып жүриўиңиз және олардан пайдаланыўыңызға да болады. Қолланба Сасол компаниясының ўәкилханасы менен Германия Экономикалық бирге ислесиў ҳәм раўажланыў федеративлик министрлигиниң «Өзбекистан Республикасының айырықша аймақларында экономиканы раўажландырыўға көмеклесиў» жойбарының қаржылай жәрдеминде басып шығарылады. Материаллар фермерлер арасында бийпул тарқатылады.

Бөлимлер