Қарақалпақстанда Туркия менен биргеликте интенсив бағлар жаратылады

25-май күни Ташкентте Өзбекистан Туркия ортасындағы саўда-экономикалық шерикшлик бойынша IV Ҳүкиметлер аралық комиссия жыйналысы болып өтти. Бул ҳаққында kun.uzхабар бермекте.  

Қарақалпақстанда Туркия менен биргеликте интенсив бағлар жаратылады

Өзбекистан Республикасы Бас министр орынбасары Рустам Азимов Туркияның бир қанша компаниялары менен биргеликте әмелге асырылатуғын жойбарлар ҳаққында толық айтып өтти.

 

Мәлим етилиўинше, Туркияның “Бадемли Фидан”, “Шахсер”, “Роял Агро”, “Асья Модерн” компаниялары менен биргеликте Қарақалпақстан Республикасы ҳәм Бухара, Наўайы, Хорезм, Қашқадәрья, Сурҳандәрья ўәлаятларында интенсив бағларды жаратыўда бирге ислесиў мақсет етилген.

 

Буннан тысқары, усы форум шеңберинде төмендеги қоспа жойбарларды әмелге асырыў режелестирилген:

 

- “Эмсас” компаниясы менен Самарқанд ўәлаятында жайласқан “Афросиёб” ҳәм Бухара ўәлаятында жайласқан “Бухоро палас” мийманхана комплекслерин қайта оңлаў;

 

- “Фриго” компаниясы менен биргеликте “Ангрен”  арнаўлы экономикалық аймақта логистика орайлары ушын суўытыў үскенелерди ислеп шығарыў;

 
-  “Бигтэм Макине” компаниясы менен биргеликте мийўе-палыз өнимлерин қайта ислеўши үскенелерди ислеп шығарыў;

 

- «Дал Текник» компаниясы менен заманагөй қурылыс өнимлерин ислеп шығарыў бойынша жойбарлар әмелге асырыў;

 

- “Йилдирим Ҳолдинг” менен химия санааты өнимлерин, “Ренессанс Хеви Индастриз” компаниясы менен қурылыс малларын, “Тантекс Боя” ҳәм “Эрўғли Ҳолдинг” компаниялары менен текстиль өнимлерин, “КОЧ” холдинг компаниясы менен хожалық электротехника өнимлерин ислеп шығарыў ҳәм басқа жойбарлар әмелге асырылады.

 Дерек: makan.uz

Бөлимлер