Шоманайда «Миллет мақтанышы мәмлекет таянышы» атамасында руўхый ағартыўшылық илажы өткерилди

ӨзМТДП  Шоманай районлық Кеңеси басламасы менен  Шоманай районлық ХБМХМТҳШБ не қараслы Жумабай Жыраў Базаров атындағы 13-санлы балалар музыка көркем өнер мектебинде ӨзМТДП Шоманай районлық Кеңеси, районлық Ҳаял-қызлар комитети, өнермент басқармасы районлық Халық билимлендириў мәкемелери хызметин методикалық тәмийинлеў ҳәм шөлкемлестириў бөлими, Мәденият бөлими, менен биргеликте «Миллет мақтанышы мәмлекет таянышы» атамасында руўхый ағартыўшылық илажы өткерилди.  

Илажға ӨзМТДП  Шоманай районлық Кеңеси баслығы Гулжахан Сапарбаева Қарақалпақстан Республикасы Жоқарғы Кеңеси депутаты Тамара Қаллықылычова, Халық депутатлары Шоманай районлық Кеңесине сайланған депутатлар Гаўҳар Қурбанбаева, Усен Насиров Қалбай Наўрызовлар ҳәм Ғалаба хабар қураллары ўакиллери партия белсендилери қатнасты.

Илажда Қарақалпақстан Республикасы Жоқарғы Кеңеси депутаты Тамара Қаллықылычова сөзге шығып «Миллий» тикланиш демократиялық партиясы тәрепинен өткерилип атырған бул илаж Өзбекистан Республикасы биринши Президенти Ислам Каримовтың «Жоқары мәнеуият жеңилмес күш» китабында Миллий ойлаўы миллий пикирлеўи жоқары миллети жеңип болмайды дегениндей жаслар арасында ата бабаларымыздан бизлерге мийрас болып киятырған қәдириятларды ҳәм ғәресизлик жылларында қайта тикленген миллий мийрасларымызды үгит нәсиятлаўдан ибарат екенлиги ҳаққында айтып өтти.

Өткерилген илаж даўамында  ғәрезсизлик жылларында қайта тикленген миллий мийрасларымызды сәўлелендирип бериўши миллий көйлеклер  ҳәм өнерментлер тәрепинен исленген буйымлар көргизбелери қарақалпақ халқының миллий аяқ ойын қосықлары салт дәстүрлерине бай сахналық көринислери мектеп окыўшылары коллеж жаслары тәрепинен партия белсендилериниң нәзерине усынылды.  

Илаж соңында илажға белсенди қатнасқан 7-санлы мектептиң аяқ ойын топары,    5-санлы мектептиң кийимлер көргизбеси, Шөгирме атамасында әдебий оқыўы менен Ермағанбетова Гулпаршын, Қарлыбаева Турсынай Аббазова Айзада, Қадиримбетов Назарбай, Узақбергенова Гулназ, Сарсенбаева Улзада, Исмайлова Динара, Матмуратова Шийрин, Хожаниязов Қуўанышбай, Жуманиязов Шахмардан, Жумабаева Бегайым, Утениязов Ислам, Толыбаева Асия, Базарбаева Розималалар партияның районлық Кеңеси тәрепинен естелик саўгалары ҳам Ҳүрмет жарлықлары менен сыйлықланды. Өткерилген илаж даўамында қатнасыўшылар үлкен қызығыўшылықққа ҳәм ғәрезсизлик жылларында кайта тикленген миллий мийрасларымыз хаққында кең түсиникке ийе болды.  

Бөлимлер