Нөкис қаласында cәўбетлесиўлер даўамында 10387и өз шешимин тап­ти

Шаңарақлардағы социаллық-руўхый орталықты жақсылыў ҳәм үйме-үй кириў арқалы анықланған машқалаларды сапластырыўда Нөкис қаласы ҳәм Нөкис районларында әмелге асырылған жумыслар бойынша Пресс-Конференция болып өтти. Тийисли қәнигелер тәрепинен орынланған жумыслар туўралы кең түрде мағлыўмат берилди.

Нөкис қаласында жәми 58 МПЖ болып, 332648 пуқара жасайды. Сәўбетлесиўлер даўамында 28258 маш­қала анықланып, 2017-жылдың 10-май күнине шекем 10387 си өз шешимин тап­қан.

— Районымызда  9427 шаңарақтың бәри сораўнама негизинде үйренилип шығылды, - дейди Нөкис районы ҳәкиминиң орынбасары, районлық ҳаял-қызлар комитети баслығы, ра­йонлық Исши топар баслығы Үзилдик Сейфуллаева. — 3776 шаңарақта 5803 маш­қала анықланды. Республика көлеминде шешилиўи лазым болған 107 машқала тийисли орынларға жиберилди. 29 ағзадан ибарат Исши топар 10 пуқаралар жыйынларына әмелий жәрдем көрсетиў ушын бириктирилди. Биз үйренилген мүрәжатларды белгили бир ўақытқа бөлип алып, әмелге асырыўды мақсет еткенбиз. 5696 машқаладан есабат күнине шекем мүддет белгиленип, машқалалардан 1389ы орынланыўы лазым болса, соннан 1292си яғный 93d орынланды. Булардан бәнтлик мәселеси, жаңа жумыс орынларын жаратыў, халықты электр энергияси, тәбийғый газ, ишимлик суўы менен тәмийинлеў, жумыс ҳақы, пенсия тәмийнаты ҳәм напақалар, билимлендириў, денсаўлықты сақлаў, фермер хожалығы тараўларындағы машқалалар, банк ҳәм кредит мәселелери, транспорт-коммуникация бойынша мүрәжатлар келип түскен еди. Ең көп ишимлик суўы менен тәмийинлеў бойынша 1682, транспорт-коммуникация бойынша 1639 мүрәжат келип түсти. Банк ҳәм кредит алыўдағы машқалалар бойынша 56 пуқараның мүрәжаты тыңланып, 56 сына қусшылық, қарамал бағыў ушын банклерден жеңиллетилген кредитлер алып берилди.

Конференцияға Өзбе­кис­тан Авиация хызметлери кәсиплик аўқамлары Республикалық Кеңеси Баслығы орынбасары Абдинаби Абдувалиев қатнасып, шаңарақлардағы социаллық-руўхый орталықты жақсылаў ҳәм үйме-үй кириў арқалы анықланған машқалаларды сапластырыўда өзиниң қатар усынысларын билдирип, еле шешилиўи тийис болған мәселелерге айрықша тоқталып өтти. Журналистлер өзлериниң қызықтырған сораўларына жуўаплар алды.

Erkinkarakalpak.uz

Диққатдиққат!  KRuz.uz сайтини Telegram'даги канал, Instagram'даги саҳифа ва  Facebook'даги гуруҳ орқали кузатиб боринг!

Бөлимлер