Нөкис қаласында жасаўшы А.Стың үйинде диний мазмундағы файллар жазылған дисклер барлығы анықланды

1984-жылы Нөкис қаласында туўылған, жоқары мағлыўматлы, Ғәрезсизлик көшесинде жасаўшы Азамат Сейтимовтың үйинде Нөкис қалалық ишки ислер бөлими хызметкерлери тәрепинен тексериў өткерилгенде бир дана «Самсунг» маркалы ноутбук ҳәм еки дана диний мазмундағы файллар жазылған дисклер барлығы анықланып, айғақлы зат ретинде ҳүжжетлес­тирип алынған.

Муҳаммад ибн Ахмад әл-Беруний орта арнаўлы билим журтының берген экспертлик жуўмағына сүйенер болсақ, алынған дисклерге жазылған диний мазмундағы материаллар Өзбе­кис­тан Республикасы аймағында таярлаў ҳәм тарқатыўға рухсат етилген диний мазмундағы материаллар қатарына кирмейтуғынлығы көрсетилген.

Усындай ҳәрекетлери менен ҳуқықбузарлыққа жол қойған А.Сейтимовқа суд тәрепинен жәрийма жазасын тайынлаў ҳаққында қарар қабыл етилди.

Erkinkarakaplak.uz

Бөлимлер