“Миллий тикланиш” демократиялық партиясинда журналистлер менен ушырасыў кешеси өткерилди

2017-жыл 28-июнь күни Ташкент информация техгологиялары университети Нөкис филиалы мәжилислер залында Өзбекистан “Миллий тикланиш” демократиялық партияси Қарақалпақстан Республикасы кеңеси тәрепинен 27 июнь – Баспа сөз ҳәм ғалаба хабар қураллары хызметкерлери күни мүнәсибети менен «Ғалаба хабар қуралларында миллий тиклениў идеясын үгит-нәсиятлаўдың актуал ўазыйпалары» атамасында ушырасыў кешеси шөлкемлестирилди.

Онда Қарақалпақстан Республикасы Жоқарғы Кеңеси ҳәм Халық депутатлары Нөкис қалалық Кеңеси депутатлары, ӨзМТДП ҚР Кеңеси Атқарыў комитети аппараты хызметкерлери, партия белсендилери ҳәм де ғалаба хабар қураллары ўәкиллери қатнасты.

Ғәрезсизлик жылларында мәмлекетимизде мәлимлеме тараўын реформалаў, сөз еркинлигин тәмийинлеў бойынша әмелге асырылған кең көлемли реформалар нәтийжесинде халықтың ҳуқықый ҳәм сиясий билими асты, дүнья қарасы кеңейди, әтирапта жүз берип атырған ўақыя-ҳәдийселерге мүнәсибети өзгерди, ғәрезсиз пуқаралық позициясы қәлиплести. Бүгин шерек әсир алдынғы пуқаралар менен ҳәзирги заман адамларының турмысы ҳәм дүнья қарасы ортасында жер менен аспандай парық бар. Бул, өз-өзинен, ғалаба хабар қуралларының алдына жәмәәтшилик пикирин қәлиплестириў бойынша оғада әҳмийетли ҳәм актуал ўазыйпаларды қоймақта.

Кейинги жылларда мәмлекетимизде ғалаба хабар қуралларының демократиялық реформалар процесиндеги орны ҳәм тәсирин және де асырыў, олардың ҳуқықый, материаллық-техникалық базасын беккемлеў, еркин ҳәм бийғәрез ғалаба хабар қуралларын раўажландырыў бойынша кең көлемли реформалар әмелге асырылды.

Усы жылдың 7-февраль сәнесинде жәрияланған “Өзбекистан Республикасын буннан былай да раўажландырыў бойынша Ҳәрекетлер стратегиясы ҳаққында”ғы Өзбекистан Республикасы Президентиниң Пәрманында ғалаба хабар қуралларының жәмийетимиз турмысындағы ролин арттырыў ҳәм оны раўажландырыў ҳаққында атап өтилген еди.

Өзбекистан “Миллий тикланиш” демократиялық партиясы сайлаўалды Платформасында ғалаба хабар қуралларының миллий идеямыз принциплерин үгит-нәсиятлаўдағы ролин асырыў, пуқаралар санасына, мәнаўий дүньясына мәмлекетимизде азат ҳәм абат турмыс қурыў — бас мақсетимиз екенин терең сиңдирип барыў, инсан ҳәм пуқараның информация тараўындағы конституциялық ҳуқықлары, сөз еркинлигине әмел етиў, бийғәрез миллий мәлимлеме қуралларын, миллий журналистиканы раўажландырыўда мәмлекет кепилликлерин тәмийинлеў сыяқлы баслы ўазыйпалар белгиленген. Соннан келип шыққан ҳалда, партия системасында ғалаба хабар қураллары менен бирге ислесиў, олар арқалы жәмәәтшилик пенен байланысларды күшейтиў мәселелерине айрықша итибар қаратылмақта. Атап айтқанда, өткен дәўир ишинде партияның Жәмәәтшилик пенен байланыслар ҳәм ғалаба хабар қураллары менен ислесиў бағдарында ӨзМТДП дәстүрий мақсет-ўазыйпалары ҳәм искерлигин үгит-нәсиятлаў мақсетинде партия газетасы ҳәм де веб сайтында сапа өзгерислери ҳәм жаңаланыўлар әмелге асырылды. Басқа ғалаба хабар қуралларында партия искерлигин жарытыўда тезлик, анықлық ҳәм материаллар сапасына айрықша итибар қаратылды.

Партия Қарақалпақстан Республикасы Кеңеси тәрепинен алып барылып атырған жумыслар, шөлкемлестирилип атырған ҳәр қыйлы жойбарлар, таңлаўлар ҳәм илажлар турақлы түрде ғалаба хабар қуралларында жарытылып келинбекте. Жылдан-жылға ғалаба хабар қуралларында шығыўлар саны саны өсип бармақта. Буған себеп ретинде веб-сайтлар менен бирге ислесиў жақсы жолға қойылғанын ҳәм социаллық тармақларда да үгит-нәсиятлаў жумыслары алып барылып атырғанлығы атап өтилди. Сондай-ақ партия тәрепинен әмелге асырылып атырған жумыслар турақлы түрде ғалаба хабар қураллары арқалы жәрияланып келинбекте.

Илаж соңында ӨзМТДП мақсет ҳәм ўазыйпаларын кең жәмийетшилик арасында үгит-нәсиятлаўда белсендилик көрсетип киятырған бир қатар ғалаба хабар қураллары ўәкиллери партия тәрепинен таярланған баҳалы саўғалар менен сыйлықланды.

 

Журналистлер менен ушырасыў кешеси өткерилди

 

Журналистлер менен ушырасыў кешеси өткерилди

 

Журналистлер менен ушырасыў кешеси өткерилди

 

Журналистлер менен ушырасыў кешеси өткерилди

 

Журналистлер менен ушырасыў кешеси өткерилди

 

Журналистлер менен ушырасыў кешеси өткерилди

 

Журналистлер менен ушырасыў кешеси өткерилди

 

Журналистлер менен ушырасыў кешеси өткерилди

 

 

Мырзахмет Тажимуратов

ӨзМТДП ҚР Кеңеси жетекши қәнигеси

Бөлимлер