Канлыкөл районлық Кеңесиниң XXXIII -сессиясы болып өтти

Канлыкөл районы ҳәкимияты мәжилислер залында Халық депутатларының районлық Кеңесиниң XXXIII -сессиясы болып өтти.

Сессия мәжлисинде Олий Мәжилис Сенатының Нызамшылық ҳәм ҳуқық мәселелери  бойынша комитет баслығы Б.Д.Матмуратов, Олий мәжилис Нызамшылық палатасы депутаты Н.Д.Айтжанова, Қарақалпақстан Республикасы Жоқарғы Кеңеси комитет баслығы Д.Қ.Қурбаниязов, «Саламатлық ҳәм медицина статистика» институты Қарақалпақстан Республикасы филиалы директоры Т.Б.Рузметова, Ишки ислер министриниң орынбасары З.И.Зайтов, Халық депутатлары  районлық Кеңеси депутатлары, район ҳәкиминиң орынбасарлары, мекеме, кәрхана шөлкемлер баслықлары,  ҳуқық қорғаў уйымлары баслықлары ҳәм профилактика инспекторлары, медицина бирлеспеси хызметкерлери, пуқаралар жыйынлары баслықлары, исбилерменлик субъектлери, фермерлер ҳәмде ғалаба хабар қураллары ўәкиллери қатнасты.

Сессия мәжлисин район ҳәкими М.Қосназаров ашты ҳәм алып барды.

Сессия күн тәртиби бойынша Өзбекистан Республикасы Президенти Ш.Мирзиёевтың 2017-жыл 12-июль күнги «Парламентимиз ҳақықый демократиялық мектебине айланыўы, реформалардың белсендиси ҳәм тийкарғы орынлаўшысы болыўы керек» баянатына арналған видеоролик  мониторда қойып берилди.

Олий Мәжилис Сенатының Нызамшылық ҳәм ҳуқық мәселелери  бойынша комитет баслығы Б.Д.Матмуратов баянат тийкарында сиясий партиялар депутатларына көрсетилип атырған айрықша итибары ушын  Президентимизге миннетдаршылық билдирип, мәжилисте ҳәр тараўға  тийкарланып берилген әҳмийетли  ўазыйпаларды әмелге асырыў бойынша районлық Кеңеси депутатлары, депутатлық топарлардың, райондағы кәрхана мекемелердиң  ҳәрекетлерин еледе жанландырыў, бир қатар кемшиликлерди сапластырып, нәтийжели жумыс алып барыў,  жетискенликлерге ерисиў жуўапкершиликли ўазыйпасы екенлигин айтып өтти.

Сиясий партиялардың районлық Кеңес депутатлары баянат бойынша өзлери тәрепинен алып барылып атырған жуўапкершиликли жумыслары, алдыға қойған ўазыйпалары ҳаққында есабатлар  берди.

Сессия күн тәртиби бойынша «Ҳуқықбузарлықлар профилактикасы ҳәм жынаятшылыққа қарсы гүресиў тараўында районлық ишки ислер бөлими тәрепинен алып барылып атырған жумыслар ҳаққында»  районлық ишки ислер бөлими баслығы Қ.Ж.Кабулов, «Халыққа медициналық хызмет көрсетиў бойынша районда алып барылып атырған жумыслар ҳаққында» районлық медицина бирлеспеси баслығы Д.А.Нурымбетова, «Районда жасларға тийисли мәмлекет сиясатын әмелге асырыў бойынша алып барылып атырған жумыслар ҳаққында» район ҳәкиминиң жаслар сиясаты, социаллық раўажландырыў ҳәм руўхый-ағартыўшылық ислери бойынша орынбасары Қ.О.Абдикаримовлардың  есабатлары тыңланды.

Сессияның күн тәртибиндеги мәселелер бойынша исленетуғын жумыслар  белгиленип алынып, тийисли қарарлар қабыл етилди.

Бөлимлер