Өзбекистан жаслар аўқамы Шымбай ра­йонлық Кеңесине хызмет бабында пайдаланыў ушын «Матиз» тапсырылды

Усы жылдың 5-июль күни Өзбекистан Республикасы Президентиниң «Жасларға байланыслы мәмлекетлик сиясаттың нәтийжелилигин арттырыў ҳәм Өзбекистан жаслар аўқамының жумысын қоллап-қуўатлаў ҳаққында»ғы Пәрманы қабыл етилген еди. Усы пәрманда белгиленген ўазыйпалардың орынланыўын тәмийинлеў мақсетинде жақында Өзбекистан жаслар аўқамы Шымбай ра­йонлық Кеңесиниң кеңейтилген мәжилиси болып өтти.

Илажды Өзбекистан жаслар аўқамы Қарақалпақстан Республикалық Кеңесиниң баслығы А.Данияров басқарып барды. Мәжилисте Қарақалпақстан Республикасы Жоқарғы Кеңесиниң Баслығы М.Ерниязов сөзге шығып, Президентимиз тәрепинен белгиленген ўазыйпалардың орынланыўы бойынша тийисли тапсырмалар берди.

Бәршемизге мәлим, усы жылдың 30-июнь сәнесинде Президентимиз Ш.Мирзиёев Ташкент қаласындағы Симпозиумлар сарайында болып өткен Өзбекистан «Камалат» жаслар жәмийетлик ҳәрекетиниң IV қуралтайында мәмлекетимиз жаслары менен ушырасқан еди. Ушырасыўда мәмлекетимиз басшысы жаңадан Өзбекистан жаслар аўқамының дүзилиўи ҳәм бул күн «Жаслар күни» деп белгилениўи тарийхый ўақыя болды.

Мәжилис күн тәртиби бойынша Өзбекистан жаслар аўқамы Шымбай районлық Кеңесиниң баслығы лаўазымына талабанлар көрсетилип, Кеңес ағзалары тәрепинен даўыс бериў жолы арқалы бул лаўазымға алдын «Камалат» жаслар жәмийетлик ҳәрекети Шымбай районлық Кеңесиниң баслығы болып ислеп келген Рахат Жумамуратов сайланды. Соңынан Шымбай районлық Кеңесиниң атқарыў комитети қурамы тастыйықланды.

Сондай-ақ, мәжилисте район ҳәкими Ө.Қазақбаев ҳәм райондағы белсенди жаслар сөзге шығып, өзлериниң пикир ҳәм усынысларын билдирип өтти.

Илаж соңында Президентимиздиң тапсырмасы тийкарында жергиликли бюджет есабынан Қарақалпақстан Республикасы Жоқарғы Кеңесиниң Баслығы М.Ерниязов тәрепинен 

Бөлимлер