«Қанлыкөл дийқан базары» жаңа типте қайта тикленбекте

Өзбекистан Республикасы Президентиниң 2017-жыл 24-марттағы «2017-2019-жыллар даўамында дийқан базарларын реконструкция қылыў ҳәм олардың аймағында заманагөй саўда майданшаларын қурыў дәстүрин тастыйықлаў ҳаққында»ғы  ПҚ-2853-санлы қарарының орынланыўын тәмийинлеў мақсетинде, Қанлыкөл районында жайласқан «Қанлыкөл дийқан базары»н реконструкция қылыў  ушын 1,7га жер майданы ажыратып берилди.

Аймақтағы ажыратылған майданға Өзбекистан Республикасы Сыртқы экономикалық фаолияти Миллий банки жанындағы NBU базарлар қурылысы Дирекциясы «Ўзагросаноат» жуўапкершилиги шекленген жәмийети тәрепинен ислеп шығылған үлгили жойбар тийкарында «Қанлыкөл дийқан базары»н реконструкция қылыў ҳәм оның аймағында III-типтеги заманагөй саўда майданшасының қурылыс ислери алып барылмақта.

Бүгинги күнде тийисли қарар тийкарында жойбар бойынша 1543,4кв,м майданға суперматкет, 576кв,м майданға 150 орынлық бастырма қурылыўы режелестирилген.

Буйыртпашы — Өзбекистан Миллий банкиниң «NBU BUNYODKOR INVEST» ЖШЖ болып,қурылыс ислерин алып барыўшы пудрат кәрханасы «Қорақалпоқ Стигл» ЖШЖ есапланады.

Бөлимлер