Шымбайлы қурылысшылардың аймақ халқына саўғасы

Мәҳәллелердиң турмысымыздағы орны ҳәм тәсири бүгинги күнде артып бармақта. Əсиресе, Ғәрезсизлик жылларында мәмлекетимиз басшысының басламасы менен мәҳәлле жумысының шөлкемлестириўшилик тийкарларын жетилистириў, оның ўазыйпаларын ҳәм ўәкилликлери кеңейтилип, адамлардың турмысындағы ролин беккемлеўге айрықша итибар қаратылды.

Президентимиз Ш.Мирзиёевтың 2017-жыл 3-февральдағы «Мәҳәлле инс­титутын буннан былай да жетилистириў илажлары ҳаққында»ғы Пәрманы бул бағдардағы жумысларды жаңа бас­қышқа көтериўде әҳмийетли қолланба болмақта. Əне усы пәрман талапларынан келип шығып ра­йонымыздағы мәкан пуқаралар жыйынларының жумыс нә­тий­желигин арттырыў, олар ушын заманагөй шараят жаратыў бағдарындағы жумыслар басқышпа-басқыш әмелге асырылмақта.

Жақында «Шахтемир» мәкан пуқаралар жыйынының жаңа имаратының пайдаланыўға тапсырылғаны буның ай­қын дәлили болыўы менен бирге, аймақ халқы ушын Өзбекистан Республикасы Ғәрезсизлигиниң 26 жыллығы байрамына арнал­ған саўға болды десек асыра силтеген болмаймыз. Жыйын мәкемесиниң заманагөй имаратында ислеўшилер ушын барлық қолайлы шараятлар жаратылып, жыйын ақсақалы, хаткер, мәсләҳәтши, профилактика инспекторы ушын арнаўлы бөлмелер ажыратылған. «Шахтемир» мәкән пуқаралар жыйыны үлгили мәҳәллелерден саналады. 4492 халық жасап атырған аймақта жәмийетлик тәртип ҳәм қәўипсизликти тәмийинлеўде пуқаралар жыйынының баслығы ҳәм хызметкерлери профилактика  инспекторы менен биргеликте жумыс алып бармақта. «Халық пенен пикирлесиў ҳәм инсан мәплери жылы»нда аймақтағы машқалалар үйренилип шығылғанда  қң мүрәжат анықланды. Нәтийжеде  4 пуқараның республикалық емлеўханада емлениўи ушын оларға әмелий жәрдемлер берилген болса, 31 пуқара районлық коммерциялық  банк­­лер тәрепинен жеңиллетилген кредит алыўына жәрдем берилди. «Шахтемир» мәкан пуқаралар жыйыны аймағында профилактика инспекторы шаңарағы менен жасаўы ушын қолайлы шараят жаратыў бойынша турақ жай қурылысы даўам етпекте ҳәм оны тез арада пайдаланыўға тапсырыў режелестирилген.

Дерек: chimbay.rk.uz

Бөлимлер