Тахтакөпирде аўыл хожалығы тараўында 1-июльға дебиторлық қарыздарлық 8 миллиардтан көп

Тахтакөпир районы прокуратурасы хызметкерлери пуқаралардың ҳуқық ҳәм еркинликлери, мәмлекет ҳәм жәмийет мәплерин қорғаўға қаратылған нызамлар үстинен прокурорлық бақлаўдың түри ҳәм усылларын түпкиликли жақсылаў ҳәм тәсиршеңлигин асырыў бойынша бир қатар жумысларды әмелге асырды. 

Халықтың дәраматлары ҳәм жетискенлигин асырыўда әҳми­йетли орын тутатуғын киши бизнес ҳәм жеке исбилерменликти раўажландырыў бо­йынша бир қатар жумыслар исленди. Соның менен бирге, аўыл хожалығы тараўында төлем тәртиби жумыслары төмен дәрежеде болып, 1-июльға дебиторлық қарыздарлық 8 миллиард 674 миллион сумды қурап, өткен жылға салыстырғанда 2 миллиард 846 миллион сумға өскен. Қарыздарлықтың тийкарғы бөлеги «Тақыятас нефть базасы» кәрханасы Тахта­көпир филиалы (3 миллиард 679 миллион сум), «Аўылхожалықхимия» АЖ Тахтакөпир филиалы (4 миллиард 674 миллион сум) есабына туўра келеди.

Қ.БЕКМУРАТОВ,

Тахтакөпир районы прокуроры әдиллик кеңесшиси

 

Дерек: erkinkarakalpak.uz

Бөлимлер