Қанлыкол районында жәмийетлик қәўипсизликти тәмийинлеў мақсетинде «Сақшылар» ықтыярлылар топарлары ҳәрекет етпекте

Өзбекистан Республикасы Президентиниң 2017-жыл 14-март күнги  «Жынаятшылыққа қарсы гүресиў бойынша ҳуқықбузарлықлар профилактикасы системасын жетилистириў ис-илажлары ҳаққында»ғы ПҚ-2833-санлы қарарының орынланыўын тәмийинлеў бойынша  районда ҳуқықбузарлық ҳәм жынаяттың алдын алыў мақсетинде түсиндириў, профилактик – ескертиў илажлары  өткерилип келинбекте.

Районлық ишки ислер бөлими, ҳаял-қызлар комитети, «Мәҳәлле» қайырқомлық жәмийетлик фонды районлық бөлими, «Нураный» қоры районлық бөлими, Өзбекистан Жаслар аўқамы районлық Кеңеси, «Ешим аҳун» мешити ҳәм тийисли мекеме, кәрхана, шөлкемлер ҳәм пуқаралардың өзин-өзи басқарыў уйымлары басшылары  менен биргеликте орынларда «Профилактика күни», «Жол ҳәрекет қәўипсизлиги күнлери» ҳәм «Өрт қәўипсизлиги күнлери»  илажларына  аймақ халқының, әсиресе жаслардың қатнасында турақлы түрде профилактик жумыслар алып барылмақта.

Сондай-ақ, район ҳәкимлиги, ишки ислер бөлими менен биргеликте ҳәр бир аймақтағы «Мәҳәлле пасбанлары» жанынан спорт тренерлери ҳәм белсенди жаслардан ибарат «Сақшылар» ықтыярлылар топарлары дүзилди. Олар өз аймақларында түнги ўақытларда ҳәм байрам күнлери жәмийетлик тәртипти,  пуқаралардың қәўипсизлигин ҳәм тынышлықты сақлаўды тәмийинлеў бойынша кестелер тийкарында ҳәрекет қылмақта.

Усы әмелге асырылып атырған кең көлемли оператив-қыдырыў ҳәм профилактикалық жумыслар нәтийжесинде 2017-жыл усы күнине 2016-жылға салыстырғанда жынаятлар саны 15 ке, яғный 32% ке кемейди (2016-жыл 7 айы даўамында 47 жынаят дизимге алынған болса, 2017-жылдың 7 айы даўамындағы жынаятлар саны 32).

Дерек: qonlikol.rk.uz

Бөлимлер