Қанлыкөллы шаңараққа бийпул турақ жай салтанатлы жағдайда тапсырылды

Өзбекистан Республикасы Президентиниң 2017-жыл 1-август күнги «Майыпларды мәмлекет тәрепинен қоллап-қуўатлаў системасын еледе жеделлестириў илажлары ҳаққында»ғы ПФ-5006 санлы бийлигине тийкарланып орынларда ҳүкиметимиз тәрепинен қайыр-сақаўатлық илажлары әмелге асырылмақта.

Усындай қайыр-сақаўатлық илажлары Қанлыкөл районы аймағында жасаўшы 1-топар майыбы Атамуратов Толыбайдың шаңарағына 2017-жыл  7-август күни район аймағынан бийпул турақ жай  салтанатлы жағдайда тапсырылды.

Т.Атамуратовтың өмирлик жолдасы А.Рафатоваға үй мийнети тийкарында бәнтлигин тәмийинлеў мақсетинде, район ҳәкимлиги ҳәм  «Мәҳәлле» фонды районлық бөлими тәрепинен заманагөй «Yamata» тигиў машинасы  берилген еди.

Турақ жай ийелери ҳүкиметимиз тәрепинен алып барылып атырған  қайырхомлық ислери ушын илаж шөлкемлестириўшилерине шексиз миннетдаршылығын билдирди.

Илажға Қарақалпақстан Республикасы Министрлер Кеңесиниң баслығы Қ.Р.Сариев, Қарақалпақстан Республикасы ҳаял-қызлар комитети баслығы З.Ибрагимова, район ҳәкими М.Қосназаров, район ҳәкими орынбасары У.Оспановалар ҳәм районлық ҳуқық қорғаў уйымлары хызметкерлери ҳәм тийисли тараў қәнийгелери қатнасты.

Районда бундай қайыр-сақаўатлық илажлары  даўам етеди.

Дерек: qonlikol.rk.uz

Бөлимлер