Байрам илажлары Қанлыкөлде даўам етти

Қанлыкөл районында 11-сентябр күни, 2017-жыл «Халық пенен пикирлесиў ҳәм инсан мәплери жылы» мүнәсибети менен  «Уллы келешегимизди мәрт ҳәм кең пейил халқымыз бенен бирге қурамыз» мазмунындағы үгит-нәсият илажларын алып барыў мақсетинде, Өзбекистан ҳәм Қарақалпақстан Республикаларына белгили мәденият ҳәм көркем — өнер тараўы ийелери, театр  ҳәм кино актёр ҳәм актрисалары, эстрада жулдызлары, «Ниҳол» сыйлығы лауреатлары, шайыр ҳәм жазыўшыларынан дүзилген топар ағзалары район халқы ҳәм оқыўшы жаслары менен аймақларда ушырасыўлар  өткерди.

Мийманларды район ҳәкимлиги имараты алдында район ҳәкими  басшылығында район белсендилери  тәрепинен күтип алынды.

Күнниң биринши ярымында илаж қатнасыўшылары, район аймағындағы 1-,2-,18-санлы улыўма билим бериў мектеплеринде болып, окыўшы жаслар менен ушырасып, оқыўшы жасларға елимизде жаратылған имканиятлардан үнемли пайдаланып билим алыўлары, ата-аналарымыздың қәдирине жетиў, китап пенен дос болыўы, бийпәрўалық етип, өткинши байлықларға алданбастан,  Ўатанымыздың  бир қарыс жерин, ана топырағын,  тынышлығын  асырап-абайлаўы, өз үстинде излениўи, ҳәрекет етиўи, миллийлигимизге жат иллетлерден сақланып, өз алдына анық мақсетлер қойыў кереклиги ҳаққында сәўбетлесиўлер болды. Оқыўшы жаслар өзлерин кызықтырған сораўларына мазмунлы жуўаплар алып, байрам илажлары, концерт бағдарламалары менен даўам етти.

Үгит–нәсият топары ағзалары, күнниң екинши ярымында, район аймағындағы Педагогикалық колледжи, Санаат-транспорт ҳәм аўыл хожалық кәсип-өнер колледжлеринде  ушырасыўлар өткерди.

«Уллы келешегимизди мәрт ҳәм кең пейил халқымыз бенен бирге қурамыз» мазмунындағы илаж қатнасыўшыларына, күн даўамында алып барылған үгит-нәсият илажларынан  мәдений ҳәм руўхый азық алған, районымыз халқы ҳәм оқыўшы жаслары өз миннетдаршылығын билдирди.

Район орайындағы 19-санлы балалар музыка ҳәм көркем өнер мектебинде  «Уллы келешегимизди мәрт ҳәм кең пейил халқымыз бенен бирге қурамыз» мазмунындағы бир күнлик үгит-нәсият илажы, қатнасыўшылар ҳәм «Дурдона» топарының гала концерти менен жуўмақланды.

Дерек: qonlikol.rk.uz

Бөлимлер