«Камалак» балалар шөлкеми тәрепинен I Раясат жыйналысы болып өтти

Нөкис қаласы «Жаслар орайы» алдындағы майданшада Өзбекистан жаслар аўқамы Қарақалпақстан Республикалық Кеңеси жанындағы «Камалак» балалар шөлкеми тәрепинен «Ўатан, дослық ҳәм бахытлы балалық ушын!» ураны астында I Раясат жыйналысы болып өтти.

Раясат жыйналаслары «Камалак» балалар шөлкеми тәрепинен кеминде 6 айдан бир мәрте өткериледи.

Бүгинги өткерилген Раясат жыйналысы күн тәртибинде төмендеги мәселелер көрип шығылды.

Күн тәртибиндеги биринши мәселе бойынша Қарақалпақстан Республикасы «Камалак» балалар шөлкеми тәрепинен 27 адамнан ибарат Раясат қурамы ағзаларын сайлап алынды.

Күн тәртибиндеги екинши мәселе бойынша Қарақалпақстан Республикасы «Камалак» балалар шөлкеми тәрепинен Өзбекистан жаслар аўқамы жанындағы “Камалак” балалар шөлкеминиң жаңа редакциядағы Нызамы көрип шығылды ҳәмде бир даўыстан мақулланды.

Күн тәртибиндеги үшинши мәселе бойынша “Жазды Камалак пенен” жойбары шеңберинде әмелге асырылган жумыслар ҳаққында «Камалак» балалар шөлкеминиң Нөкис қаласы, Төрткүл ҳәм Мойнақ районы «Камалак» балалар шөлкеми баслықлары есабатқа шығылды.

Күн тәртибиндеги төртинши мәселе бойынша 2017-жыл сентябрь-декабрь айлары даўамында Өзбекистанда балалар мәплерин қорғаў бойынша әмелге асырылатуғын ис-илажлар дәстүри ҳаққында бирге ислесиўши шөлкемлер менен биргеликте көрип шығылды.

Күн тәртибиндеги бесинши мәселе бойынша Сәрдарлар Кеңеси жумысларын жолға қойыў ҳәм де балаларды “Камалак” балалар шөлкеми ағзалығына қабыллаў бойынша әмелге асырылған жумыслар бойынша Өзбекистан жаслар аўқамы Қарақалпақстан Республикалық Кеңеси бөлим баслығы М.Альжанов тәрепинен баянат қылып бир қатар жол қойылған қәте-кемшиликлер ҳаққында айтып өтти.

Күн тәртибиндеги алтыншы мәселе бойынша Қарақалпақстан Республикасы “Камалак” балалар шөлкеминиң Сәрдарлар Кеңеси ағзаларын сайлаў бойынша болып Қарақалпақстан Республикасы Сәрдарлар Кеңесин сайлап алынды.

Күн тәртибиндеги жетинши мәселе бойынша Район (қала) “Камалак” балалар шөлкемлериниң нәўбеттеги I Раясат жыйналысларын шақырыў бойынша болып барлық қала ҳәм районларда кесте тийкарында Раясат жыйналысларын өткериў бойынша белгилеп алынды.

Бөлимлер