Қанлыкөлде профилактика инспекторларына турақ жай ҳәм хызмет машиналары берилди

Өзбекистан Республикасы Президентиниң 2017-жыл 20-апрель күнги «Ишки ислер органларының таяныш пунктлери профилактика инспекторларын хызмет үй-жай менен тәмийинлеўге байланыслы қосымша  ис-илажлар ҳаққында»ғы Қарарына муўапық, республика көлеминде бир қанша илажлар әмелге асырылмақта, деп хабарламақта район ҳәкимлиги.

Усындай илажлар шеңберинде Қанлыкөл районында ишки ислер бөлиминиң 4 таяныш пунктлери профилактика инспекторларына («Қанлыкөл» ППЖ 54-санлы таяныш пункти профилактика инспекторы Қ.Есенбаев, «Арзымбетқум» АПЖ 236-санлы таяныш пункти профилактика инспекторы Т.Муқиятдинов, «Қанлыкөл» АПЖ 57-санлы таяныш пункти профилактика инспекторы П.Баекеев, «Қосжап»АПЖ 56-санлы таяныш пункти профилактика инспекторы Р.Хожанов)  барлық қолайлықларға ийе, шаңарақ ағзалары менен биргеликте жасаў ушын, өзлери жумыс алып барып атырған аймақлардан турақ жай ҳәм узақ мүддетке жеңиллетилген кредитлер есабынан хызмет автомашиналары салтанатлы жағдайда тапсырылды.

 Районлық ишки ислер бөлими таяныш пунктлери профилактика инспекторлары, Ҳүрметли Президентимизге, тынышлық сақшыларына болған үлкен итибары, жаратылып берилип атырған имканиятлары ушын, өзлериниң миннетдаршылығын билдирди ҳәм ийгиликли хызмети жолында аймақ халқының тынышлығын тәмийинлеў, жәмийетшилик тәртипти сақлаў, ҳуқуқбузарлық ҳәм жынаятшылықтың алдын алыў, пуқаралардың еркинликлерин, ҳуқықый мәплерин исенимли қорғаўға хызмет ететуғынлығын билдирди.

Илажға Президенттиң мәмлекетлик мәсләҳәтшиси О.Мурадов, Қарақалпақстан Республикасы Министрлер Кеңеси баслығы Қ.Сариев, Республика прокуроры Э.Таджиев, район ҳәкими М.Қосназаров ҳәм районлық ҳуқық қорғаў уйымлары басшылары қатнасты.

Бөлимлер