Грант жойбары жеңимпазларына сертификатлар тапсырылды

Қарақалпақстан Республикасы Министрлер Кеңесиниң киши мәжилислер залында мәмлекетлик емес, коммерциялық емес ҳәм ғалаба хабар қураллары ҳәм пуқаралық жәмийетиниң басқа да институттларының социаллық әҳмийетке ийе жойбарларды таярлаў бойынша илаж болып өтти. Илажды Қарақалпақстан Республикасы Жоқарғы Кеңесиниң Комитет Баслығы С.Турманов ашты ҳәм басқарып барды.

Буннан соң Өзбекстан Республикасы Олий Мәжлиси Нызамшылық палатасының депутаты, Олий Мәжлис жанындағы Парламентлик комиссияның ағзасы Н.Айтжанова шығып сөйлеп, парламентлик комиссия тәрепинен усы жылы жәрияланған мәмлекетлик грантлардың 5-6-танлаўларының бағдарлары, таңлаўларда қатнасыў шәртлери ҳәм талаплары туўралы кең түрде түсиндирип өтти.

Соң Олий Мәжлис жанындағы Парламентлик комиссия тәрепинен жәрияланған мәмлекетлик грантлардың 3-4-таңлаўларының жеңимпазлары Әмиўдәрья районы телевидениесиниң директоры Г.Ешниязов, «Тәбият хабаршысы» газетасының редакторы Г.Жолдасбаева, «Илим ҳәм жәмийет» журналының жуўаплы хаткери Д.Догаровалар тәрепинен усынылған жойбарлардың презентациясы болды ҳәм жойбар жеңимпазларына сертификатлар тапсырылды.

Дерек: ndpi.uz

Бөлимлер