Қанлыкөлде мүрәжатлардың унамлы шешими тийкарында пуқараларға турақ жайлары ҳүжжетлестирип берилди

Өзбекистан Республикасы Президентиниң 2017-жыл «Халық пенен пикирлесиў ҳәм инсан мәплери жылы» мүнәсибети менен қайыр-сақаўатлық илажлары шеңберинде Қанлыкөл районы көлеминде де бир қанша жумыслар  әмелге асырылмақта.

Район  халқының социаллық жағдайын жақсылаў ҳәм ушырасып атырған машқалалардың шешимин табыў мақсетинде, район ҳәкими тәрепинен шөлкемлестирилген аймақлардағы ушырасыўларында түскен түрли мазмундағы мүрәжатлар тийисли тараў басшылары тәрепинен үйренилип, унамлы шешимин таппақта.

Өзбекистан Республикасы «Пуқаралық кодекси»ниң 187-статьясына тийкарланып, пуқаралардың турақ жайға болған мүлк ҳуқықлары, район ҳәкими шешими менен тикленип, тийисли кадастрлық ҳүжжетлери таярланып, мәмлекетлик дизимге алынды ҳәм 2017-жыл сентябр айында  Қанлыкөл районы ҳәкими тәрепинен райондағы «Қанлыкөл»АПЖ аймағынан еки этажлы халыққа хызмет көрсетиў орайы имараты, ҳәкимлик қарары менен турақ жай ретинде, сол жерде турақлы жасап атырған  14 хожалық басшыларының атына тийисли гуўалықлары тапсырылды.

Турақ жай ийелери ҳәкимлик тәрепинен алып барып атырған  қайырхомлық ислери ушын район басшыларына шексиз миннетдаршылығын билдирди.

Илажға район ҳәкими М.Қосназаров, районлық ҳуқық қорғаў уйымлары хызметкерлери ҳәм тийисли тараў қәнийгелери қатнасты.

Дерек: qonlikol.rk.uz

Бөлимлер