Шымбайда кийим тигиў фабрикасы ашылды

Халықтың бәнтлигин тәмийинлеў бойынша районда бир қатар жумыслар әмелге асырылмақта.

Жақында райондағы дийқан базары әтирапында жайласқан «Амангелди-Меҳрибан» жуўапкершилиги шекленген жәмийети жанынан «Миллий банк» Шымбай филиалы кредит қаржысы есабынан, пуқаралар ушын барлық түрдеги кийим-кеншеклер ислеп шығаратуғын фабрика ашылды.

Оның салтанатында район ҳәкиминиң орынбасары К.Абдуллаев, район ҳәкиминиң орынбасары, районлық ҳаял-қызлар комитетиниң баслығы З.Ержановалар шығып сөйлеп, кәрхананың ашылыўы менен қутлықлады ҳәм оның алдағы жумысларына раўаж тиледи.

IMG_7738\

IMG_7753

Буннан кейин «Амангелди-Меҳрибан» жуўапкершилиги шекленген жәмийети баслығы Х.Утамбетов ҳәм жәмийеттиң ис жүритиўшиси Г.Ешмуратовалар исбилерменлерге жаратылып атырған усындай қолайлықлар ушын елимиз Президенти Ш.Мирзиёев ҳәм район басшыларына өзиниң миннетдаршылығын билдирди.

Илажда имарат алдына тартылған лентаны район ҳәкиминиң орынбасары К.Абдуллаев салтанатлы жағдайда кести ҳәм жыйналғанлар бул жерде тигилип атырған кийим-кеншеклерди көзден өткерди.

Солай етип, бул кийим тигиў фабрикасына 50 ден аслам колледж питкериўшилери жумысқа орналасты. Олар­ға Наманган қаласынан келген қәнигелер кийим тигиў сырларын үйретпекте.

IMG_7738 IMG_7753

Бөлимлер