Қанлыкөлдиң пахта атызларында нураный аталарымыз теримге қатнаспақта

Қарақалпақстан Республикасы Ҳаял-қызлар комитети, «Мәҳәлле» ҳәм «Нураный» қорларының Қарақалпақстан Республикасы бөлимлери, Өзбекистан Жаслар ҳәм Кәсиплик аўқамлары шөлкемлери бирлеспеси Қарақалпақстан Республикасы Кеңеси тәрепинен «Нураный аталарымыз бенен аналарымызға, ҳаял-қызларымыз бенен жасларымызға ҳәмде гүллән халқымызға ҮНДЕЎ»и жәрияланды.

   Усы «ҮНДЕЎ»ден руўхланып, ис пенен жуўап ретинде  орынларда «ПАХТА-2017» ураны менен пахта терип атырған теримшилерге қол-қанат болып республика халқын, нураный аталарымыз бенен апаларымызды, ҳаял-қызларымыз бенен жасларымызды пахта териминде белсендилик пенен  қатнасыўға айтарлықтай  илажлар алып барылмақта.

 Усы илажлардың шеңберинде 30-сентябрь күни «Мәҳәлле» ҳәм «Нураный» қорларының  Қанлыкөл районлық бөлими тәрепинен «Жаңа қала» аўыл пуқаралар жыйынындағы «Дәрьябай Абдуллаев» фермер хожалығында район аймағындағы пенсия жасындағы  нураный аталарымыз өз үлесин қосыў ушын биргеликте атызға түсип пахта терди.

 Аймақлардағы халқымызға бирлеспеген жасларға үлги болып, хажы ҳәм нураный аталарымыздың бундай басламалары район пуқаралары менен жаслар тәрепинен қоллап-қуўатланып, пахта теримине күн сайын пәт ендирилмекте.

 Республикамыз халқына гүздиң ашық-жарық күнинен пайдаланып, пахтаны жыйнап терип, елимиз қырманына тапсырыўда пахта қырманының бәлентлениўине өзлериниң үлесин қосыўлары,  перзентлик парзын ҳәм де шаңарақларына қосымша дәрамат ҳаққында үгит-нәсият алып барылыўы бәрше-бәрше теримшилерге жәмлескенлик руўхын береди.

Дерек: qonlikol.rk.uz

Бөлимлер