Қанлыкөл районы аймағында «Тоза худуд» мәмлекетлик унитар кәрханасы иске түсти

Өзбекистан Республикасы Министрлер Кабинетиниң 2014-жыл 15-июльдағы «Коммунал хызметлер көрсетиў қағыйдаларын тастыйықлаў ҳаққында»ғы 194-санлы қарары хәмде Қарақалпақстан Республикасы Министрлер Кеңесиниң 2017-жыл 27-сентябрдеги «Қарақалпақстан Республикасы «Тоза ҳудуд» мәмлекетлик унитар кәрханасы тәрепинен көрсетилетуғын қатты шығындыларды тасыў хызмети тарифи муғдарларын тастыйықлаў ҳаққында»ғы 672-санлы қарарына муўапық, орынларда бир қанша ислер әмелге асырылмақта.

Қарақалпақстан Республикасы «Тоза ҳудуд» мәмлекетлик унитар кәрханасының 2017-жыл 20-июльдағы 14-санлы, Қарақалпақстан Республикасы Финанс министрлигиниң 2017-жыл 21-августтағыАУ/06-02/1530-санлы ҳәмде Қарақалпақстан Республикасы «Тоза ҳудуд» мәмлекетлик унитар кәрханасы тәрепинен көрсетилетуғын қатты шығындыларды тасыў хызмети тариф муғдарларын тастыйықлаў ҳаққындағы усыныслары мақулланды.

Қанлыкөл районында Қарақалпақстан Республикасы «Тоза ҳудуд» мәмлекетлик унитар кәрханасының районлық бөлими иске түсти.

Бөлим 2 бульдозер ҳәм 2 сомосовал транспортлары менен тәмийинленип, бөлим тәрепинен район аймағында қатты шығындыларды тасыў хызмети көрсетилмекте.

Ҳәзирги күнде район орайы менен «Қанлыкөл», «Бостан», «Жаңа қала» аўыл пуқаралар жыйынлары аймағындағы жумыс алып барып атырған мекемелер менен шәртнамалар дүзилди. Қалған аўыл ҳәм мәкан пуқаралар жыйынлары менен де шығындыларды алыў ҳәм тазалаў шәртнамаларын дүзиў алдында.

Бул кәрханаға райондағы «Наўрыз» аўыл пуқаралар жыйыны аймағынан, шығындыларды жыйнаў ҳәм қайта ислеў полигоны ушын  5га жер майданы ажыратылып берилди.

Əзиз пуқаралар! Районымыздың тазалығы ҳәм абаданлығы ушын ҳәр бириңизди «Тоза худуд» мәмлекетлик унитар кәрханасы менен шәртнама дүзиўге шақырамыз.

Мағлыўмат ушын телефон: (+99897) 348-40-71

Дерек: qonlikol.rk.uz

Бөлимлер