Шымбайда усы жылдың өткен дәўиринде тергеў бөлимшеси тәрепинен 70 жынаятлы ис қозғатылды

— Район аймағында 91 көше ҳәм 137 аўыл болып, улыўма 111 мыңнан аслам халыққа усы аймақларда жайласқан 20 таяныш пунктлеринде 25 профилактика инспекторлары хызмет көрсетип келмекте. Сондай-ақ, бөлим хызметкерлери тәрепинен жынаятшылықтың алдын алыў, жүз берген жынаятларды өз ўақтында ашыў, жәмийетлик тәртип ҳәм пуқаралардың қәўипсизлигин сақлаў мақсетинде «Тозалаш-Антитеррор», «Спитамен», «Арсенал» ҳәм басқа да кең көлемли илажлар өткерилмекте. Президентимиздиң 2017-жылы 20-апрель күнги «Ишки ислер уйымлары таяныш пунктлериниң профилактика инспекторларын хызмет үйи менен тәмийинлеўге байланыслы қосымша илажлар ҳақ­қында»ғы Қарарына тийкар «Шахтемир» ҳәм «Майжап» мәкан ҳәм аўыл пуқаралар жыйынларында профилактика инспекторлары хызмет үйлери, «Шахтемир», «Темиржол гүзары», «Оржап», «Майжап», «Тазажол», «Қы­зылөзек», «Қамысарық» мәкан ҳәм аўыл пуқаралар жыйынлары профилактика инспекторлары жеңиллетилген кредит есабынан «Матиз» автомашиналарына ийе болды, - дейди Шымбай районлық ишки ислер бөлими баслығының орынбасары Руслан Пал­ўаниязов.

Буннан тысқары районлық тергеў бөлимшеси тәрепинен бир қанша жумыслар алып барылды. Атап айтатуғын болсақ, усы жылдың өткен дәўири ишинде тергеў бөлимшеси тәрепинен 70 жынаятлы ис қозғатылған болса, олардан 60 жынаятлы иси айып­лаў-жуўмақ пенен, жарасыў мү­нәсибети менен 9 жынаятлы ис тамамланды. Олардың арасында амнистия қарарына тийкар 1 жынаят иси судқа жиберилди.

Шымбайда усы жылдың  өткен дәўиринде тергеў бөлимшеси тәрепинен 70 жынаятлы ис қозғатылды

 

Шымбайда усы жылдың  өткен дәўиринде тергеў бөлимшеси тәрепинен 70 жынаятлы ис қозғатылды

 

Шымбайда усы жылдың  өткен дәўиринде тергеў бөлимшеси тәрепинен 70 жынаятлы ис қозғатылды

 

Буннан тысқары, районлық Ишки ислер бөлими Миграция ҳәм пуқаралықты рәсмийлестириў бөлимшеси тәрепинен де белгиленген реже тийкарында нәтийжели жумыслар әмелге асырылмақта. Пуқаралардың паспортларын жаңа үлгидеги формаға өзгертиў жумыслары баслаған дәўирден баслап, район хал­қының 85 проценттен асламы өзиниң таза паспортларына ийе болды. Бүгинги күнде паспорт бөлимшесинде пуқаралар­ға биометрик паспортларды тар­қатыў менен бирге оларды дизимге алыў, жасаў орынларын өзгертип атырған пуқараларды есаптан шығарыў ислери өз ўақтында алып барылмақта.

Шымбайда усы жылдың  өткен дәўиринде тергеў бөлимшеси тәрепинен 70 жынаятлы ис қозғатылды

 

Соңғы ўақытлары халқымыз арасында паспорт қағыйдаларына әмел етпей белгиленген мүддетине қарамастан, итибарсызлыққа жол қойып атырған пуқараларда анықланбақта. Олардың бундай бийпәрўалық ҳәрекетлери ушын өз ўақтында түсиндириў жумыслары алып барылмақта, - дейди районлық Ишки ислер бөлими Миграция ҳәм пуқаралықты рәсмийлестириў бөлимшеси баслығы С.Умаров.

 

Дерек: Шымбай районы ҳәкимлиги

Бөлимлер