«Нафосат-2017» көрик таңлаўында дизайнер Карима Матрасулиева жеңимпаз болды

Өзбекистан Ҳаял-қызлар комитетиниң «Ҳаял-қызлардың кийиниў мәдениятын раўажландырыў бойынша «Нафосат-2017» көрик таңлаўын өткериў ҳаққында»ғы нызамына тийкарланып, Қарақалпақстан Республикасы ҳаял-қызлар комитетиниң басламасы менен Нөкис қаласында биринши мәрте  жас моделлер, дизайнер қызларды анықлаў мақсетинде, Есжан бақсы атындағы мәденият ҳәм көркем-өнер колледжинде усы жыл 20-ноябрь күни «Нафосат-2017» көрик таңлаўы өткерилди.

Көрик таңлаў барысында, Қарақалпақстан Республикасы аймағындағы бәрше районлардың жас дизайнер қызлары қатнасында, ҳаял-қызлардың жәмийеттеги ролин, жетекшилик қәбийлетин, бийтәкрар гөззаллығын өзинде жәмлеген, миллий қәдириятларымыз тийкарында, мода әлеминде өз қол өнеринен дөреген, миллийлик ҳәм заманагөйликтиң бир-бирине уйғынласқан ҳалда барлық орынларда (үйде, көшеде, жумыста, жәмийетшиликте, оқыў орынлары менен ҳәр түрдеги кешелерде) қолай кийиниў мәдениятына жуўап беретуғын кийимлер коллекциясын раўажландырыў қәбийлетине ийе дизайнер қызлар таңлап алынды.

Көрик таңлаў жуўмағында, нызам талапларына тийкарланып, дизайнер қызлардан  «Исбилермен ҳәм жетекши ҳаял» тымсалы номинациясы бойынша Қанлыкөл районынан дизайнер  Карима Матрасулиева кейинги Ташкент қаласында өткерилетуғын басқышқа жоллама алды.

«Нафосат-2017» көрик таңлаўы, Қарақалпақстан Республикасы «Оила илимий орайы» баслығы  З.Матвофаева, «Өнермент» бирлеспеси баслығы Д.Алламбергенова ҳәм белгили исбилермен, дизайнер ҳәм өнермент А.Нурумбетовалар тәрепинен баҳалап барылды.

 

 

 

 

 

 

Дерек: qonlikol.rk.uz

Бөлимлер