Абат Данияров Шымбайда орайлық китапхана шөлкемлестириў, жаслар тәрепинен «тынышлық» топарын дүзиў бойынша пикир-усынысларын билдирди

Шымбай экономика колледжинде Өзбекистан Жаслар аўқамы Шымбай районлық кеңесиниң шөлкемлестириўинде илаж болып өтти. Илажға кәрхана-шөлкем, билимлендириў мәкемелери басшылары, жетекшилер қатнасты.

Илажды район ҳәкиминиң Жаслар сиясаты, социаллық раўажландырыў ҳәм руўхый-ағартыўшылық ислери бойынша орынбасары У.Қалилаев басқарып барды. Буннан соң, Өзбекистан Жаслар Аўқамы Қарақалпақстан Республикасы Кеңеси баслығы А.Данияров шығып сөйлеп, ол өз сөзинде 15-ноябрь күнги Өзбекистан Республикасы Президенти Ш.Мирзиёевтың басшылығында өткерилген видеоселектор мәжилисинде белгилеп берилген тапсырмалардан келип-шығып, жаслар арасында ҳуқықбузарлықлар профилактикасы ҳәм жынаятшылықтың алдын алыў, оларды бир мақсетке бирлестириў, китап оқыўға болған қызығыўшылығын асырыў, районда орайлық китапхана шөлкемлестириў, жаслар тәрепинен «тынышлық» топарын дүзиў бойынша пикир-усынысларын билдирип өтти.

Сондай-ақ, илажда шығып сөйлегенлер алгоколь ишимликлериниң нызамсыз саўдасына қарсы гүресиў бойынша да айтып өтти.

IMG_1390

IMG_1391

Бөлимлер