Шымбайлы жеке исбилермен мүриўбет үйине өз саўғаларын тапсырды

Соңғы жыллары елимизде бағыўшысынан айрылған, жалғыз баслы қариялар, жетим-жесирлер, көп балалы кем тәмийинленген шаңарақларды материаллық ҳәм руўхый жақтан қоллап-қуўатлаўға республика ҳүкимети тәрепинен айрықша дыққат аўдарылмақта. Бундай қайырқомлық илажларға республикамызда ҳәрекет етип турған бирқанша қәўендер шөлкемлер ҳәм исбилерменлерде мүнәсип үлес қоспақта.

3-декабрь – «Майыплар күни» мүнәсибети менен райондағы «Ерлер мүриўбет интернат үйи»нде илаж болып өтти. Онда район ҳәкимлиги, Қарақалпақстан Республикасы Миллий қәўипсизлик хызмети ўәкиллери шығып сөйлеп, байрам менен қутлықлады. Соңынан районлық Мәденият бөлими, Балалар музыка ҳәм көркем-өнер мектеби жәмәәти тәрепинен концерт бағдарламасы қойып берилди.

Байрам  күнлери бир қатар қәўендер шөлкемлерде өзлериниң үлесин қоспақта. Олардан Өзбекистан Кәсиплик аўқамлары бирлеспеси Қарақалпақстан Республикасы бөлими, сондай-ақ, Шымбайлы жеке исбилермен Гулбәҳәр Алламуратовалар  мүриўбет үйине өз саўғаларын тапсырды.

IMG_2009

IMG_2023

IMG_2067

Дерек: chimbay.rk.uz

Бөлимлер