Қарақалпақ мәмлекетлик университетине Американың Өзбекистандағы елшиханасының ўәкили келди

12-декабрь күни Бердақ атындағы Қарақалпақ мәмлекетлик университетиниң мәжилислер залында Американың Өзбекистандағы елшиханасының ўәкили, жәмийетшилик пенен байланыслар бөлиминиң баслығы Жон Браун менен ушырасыў болып өтти. Ушырасыўды университетимиздиң илимий ислер бойынша проректоры М.Тагаев алып барды.

Онда Америкада қайсы университетлерде қандай тәртипте билим алыў ямаса тәжирийбе алмасыў мүмкинлиги бойынша мағлыўматлар берилди. Атап айтқанда, ҳаял-қызлар ушын арналған Techwomen, бакалавр бағдарының студентлери ушын the Global UGRAD, алымларға арналған Fulbright visiting scholar program, магистрантларға арналған Fulbright foreign student program, тәжирийбе алмасыў ушын арналған Hubert H. Humphrey program, инглис тили қәнигелиги мүғәллимлери ушын Office of English language ҳ.т.б. туўралы толық мағлыўмат берилди. Ушырасыўға қатнасқан университетимиздиң оқытыўшылары, магистратура ҳәм бакалавр бағдарының студентлери өзлерин қызықтырған сораўларға жуўаплар алды.

Дерек: karsu.uz

Бөлимлер