Қараөзекде жумыссыз 34 пуқара жумысқа орналастырылды

Қараөзек районы Ҳәкиминиң 2016-жыл 12-ноябрь кунги 1241-11-санлы қарары тийкарында, район Ҳәкимлиги, район Прокуратурасы ҳәм районлық Бәнтликке көмеклесиў орайы, менен биргеликте 2017-жыл 19-декабрь куни Қараөзек районы Эканомика ҳәм турмыс хызмети кәсип-өнер колледжинде мекеме, кәрхана ҳәм жууапкершилиги шекленген жәмийетлери менен биргеликте бос жумыс орынлары мийнет базары ярмаркасы өткерилди.

Булл ярмаркаға район аймағындағы 27 мекеме, кархана ҳәм жууапкершилиги шекленген жәмийетлери өзлеринде бар болған улыўма 215 бос жумыс орынлары менен қатнасты.

Ярмаркаға тускен бар бос жумыс орынларына жумыссыз журген талабанлардан 60 дан аслам пуқаралар қатнасты. Соннан: жумыссыз 34 пуқара өз қәнийгелери ҳәм уқыбына қарай отырып жумысқа орналастырылды. 26 жумыссыз пуқараға ҳәр қыйлы сораўлар бойынша мәсләҳәтлер берилди.Улыўма жумысқа орналастыпылған пуқаралардан: 14 пуқарасы ҳаял-қызлардан, 22 пуқара камолот жасындағы жаслардан, соннан 16 пуқарасы колледж питкериўшилеринен ибарат.

Ярмаркаға район ҳәкими Даўлетбай Утемуратов, район Прокуроры Саламат Даулетмуратов қатнасты ҳәм шығып сөйледи. Ярмарка ўақтында районлық мәденият бөлими хызметкерлери тәрепинен концерт бағдарламасы қойылды, сондай-ақ халық өнерментшилиги, қағаз китап, саўда-сатық көргизбелери шөлкемлестирилди. Солай етип бос жумыс орынлары мийнет базары ярмаркасы кеўилли ҳәм салтанатлы турде өткерилди. 

 

Бөлимлер