Халық депутатларының Қанлыкөл районлық Кеңесиниң 36 – сессия мәжилиси болып өтти

Қанлыкөл районында Халық депутатларының районлық Кеңесиниң   36-сессиясы болып өтти.

Сессия регламентине муўапық күн тәртибиндеги мәселелер бойынша:

Өзбекистан Республикасы Президентиниң 2017-жыл 8-августтағы «Аймақлардың жедел социал-экономикалық раўажланыўын тәмийинлеўге байланыслы тийкарғы илажлар ҳаққында»ғы ПҚ-3182-санлы Қарарының орынланыўы бойынша 1-сектор басшысы-район ҳәкими М.Қосназаров, 2-сектор басшысы-район прокуроры А.Каримбаев, 3-сектор басшысы-районлық ишки ислер бөлими баслығы  Қ.Қабулов, 4-сектор басшысы-мәмлекетлик салық инспекциясы баслығы Т.Туреевлар өзлерине бириктирлген аймақларында сектор тәрепинен алып барылған илажлар даўамындағы жетискенликлери менен бирге қатар кемшиликлери ҳәм оларды сапластырыў  бойынша есабатлары тыңланды, сектор басшыларының аймақларды раўажландырыў бойынша 2018-жылғы «Жол картасы» режеси ислеп шығылып, онда исленетуғын ўазыйпалар  белгилеп алынды.

Сондай-ақ, фермер хожалықларын жүритиў ушын жер майданларын ажыратыў, фермер хожалықларына қосымша жер майданларын ажыратыў, жер майданларының бир бөлегин ҳәм жер майданларын толығы менен район ҳәкимлиги жер қоры есабына қайтарып алыў ҳаққында район ҳәкиминиң орынбасары, районлық аўыл ҳәм суў хожалығы бөлими баслығы Ж.Наметуллаев, «Халыққа медициналық хызмет көрсетиў бойынша» районлық медицина бирлеспеси баслығы А.Аскаров, Өзбекистан Республикасы Президентиниң 2014-жыл 6-февральдағы «Өзбекистан Республикасында жасларға тийисли мәмлекет сиясатын әмелге асырыўға қаратылған қосымша ис-илажлар ҳаққында»ғы ПҚ-2124-санлы қарары талапларының орынланыў барысы  бойынша Өзбекистан Жаслар аўқамы районлық Кеңеси баслығы Р.Қалимбетовлардың есабатлары тыңланды.

Есабатларда күн тәртибиндеги мәселелер бойынша Президентимиз ҳәм Ҳүкиметимиз тәрепинен қабыл қылынған ҳуқықый-норматив ҳүжжетлер тийкарында сектор басшылары менен тийисли тараўларда  аймақларда халықтың социаллық жағдайы, мүрәжатлер бойынша алып барылып атырған жумыслардың барысы, режелери ҳәм әмелге асырылыўы лазым болған илажлары менен анықланған кемшиликлерди сапластырыўда ҳуқық қорғаў ҳәм пуқаралардың өзин-өзи басқарыў уйымлары, жәмийетшилик шөлкемлер менен биргеликте ислесиўди жолға қойыўға шақырды.

Сессияда күн тәртибиндеги мәселелер бойынша исленетуғын илажлар менен жумыслар  белгиленип алынып,  тийисли қарарлар қабыл етилди.

Бөлимлер